ഗ്രോക്ക് എഐ മോഡലിന് കൂടുതല് കഴിവുകള് അവതരിപ്പിച്ച് ഇലോണ് മസ്കിന്റെ ആര്ട്ടിഫിഷ്യല് ഇന്റലിജന്സ് സ്ഥാപനമായ എക്സ് എഐ. ഏത് നിശ്ചല ചിത്രവും ആനിമേറ്റ് ചെയ്യാന് ഇനി ഗ്രോക്ക് എഐയ്ക്ക് സാധിക്കും.
ഏതെങ്കിലും ഒരു ചിത്രം വീഡിയോ ആക്കി മാറ്റാന് അതില് ദീര്ഘനേരം പ്രസ് ചെയ്യുക. നിങ്ങള്ക്ക് സങ്കല്പ്പിക്കുന്നതെന്തും നിര്മിക്കാന് ഇഷ്ടാനുസൃതമായി പ്രോംറ്റ് നല്കുക. ഞായറാഴ്ച ഇലോണ് മസ്ക് എക്സില് പങ്കുവെച്ച പോസ്റ്റില് പറഞ്ഞു. ഒരു എഐ നിര്മിത വീഡിയോയും ഒപ്പമുണ്ടായിരുന്നു. ഒരു നിശ്ചല ദൃശ്യം ഉപയോഗിച്ച് മസ്ക് നിര്മിച്ച വീഡിയോ ആണിത്. അതിന് അദ്ദേഹം നല്കിയ പ്രോംറ്റ് ഇങ്ങനെ ആണ്- 'She smiles and says, 'I will always love you.'
എക്സ് എഐയുടെ പുതിയ ഫോട്ടോ, വീഡിയോ ജനറേഷന് ടൂളായ ഗ്രോക്ക് ഇമാജിന് മോഡല് ഉപയോഗിച്ചാണ് ഈ പുതിയ എഐ കഴിവുകള് ചാറ്റ്ബോട്ടില് ഉള്പ്പെടുത്തിയിരിക്കുന്നത്. എക്സ് പ്ലാറ്റ്ഫോമില് ഗ്രോക്ക് ചാറ്റ്ബോട്ട് ലഭ്യമാണ്. അതുകൊണ്ടു തന്നെ എക്സ് ഉപഭോക്താക്കള്ക്കെല്ലാം ഈ ടൂള് ഉപയോഗപ്പെടുത്താനാവും.
അടുത്തിടെ ഗ്രോക്ക് 4 എഐ മോഡല് ലോകത്തെല്ലാ ഉപഭോക്താക്കള്ക്കും സൗജന്യമായിരിക്കുമെന്ന് എക്സ് എഐ പ്രഖ്യാപിച്ചിരുന്നു. എങ്കിലും സൗജന്യ ഉപഭോക്താക്കള്ക്ക് നല്കാനാവുന്ന പ്രോംറ്റുകള്ക്കും ചോദ്യങ്ങള്ക്കും പ്രതിദിന പരിധിയുണ്ടാവും. വിവിധ സബ്സ്ക്രിപ്ഷന് പ്ലാനുകള് എടുത്തവര്ക്ക് വേഗമേറിയ മറുപടികളും, കൂടുതല് കോണ്ടക്സ്റ്റ് ലെങ്തും, സൂപ്പര് ഗ്രോക്ക് മോഡും ഉപയോഗിക്കാനാവും.
Content Highlights: Elon Musk's xAI upgrades Grok AI, adding the capability to animate any still image into a video using the new Grok Imagine Model.
Published: 10 Nov 2025, 09:39 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented