ചന്ദ്രനില്‍ വലിയ അളവില്‍ സോഡിയം ഉണ്ടെന്ന് കണ്ടെത്തി ഐഎസ്ആര്‍ഒയുടെ ചന്ദ്രയാന്‍-2. ചന്ദ്രയാന്‍-2 ഓര്‍ബിറ്ററിന്റെ എക്‌സ്‌റേ സ്‌പെക്ട്രോമീറ്ററായ ക്ലാസ് ഉപയോഗിച്ചാണ് ഈ കണ്ടെത്തല്‍. ആദ്യമായാണ് ഇങ്ങനെ ഒരു കണ്ടെത്തല്‍ എന്ന് ഐഎസ്ആര്‍ഒ പറഞ്ഞു. നേരത്തെ ചന്ദ്രയാന്‍-1 ന്റെ എക്‌സ്‌റേ-ഫ്‌ളൂറസന്‍സ് സ്‌പെക്ട്രോമീറ്റര്‍ ചന്ദ്രനില്‍ സോഡിയത്തിന്റെ സാന്നിധ്യം തിരിച്ചറിയുകയും കൂടുല്‍ അളവില്‍ കണ്ടെത്താനാകുമെന്ന സാധ്യത തുറന്നിടുകയും ചെയ്തിരുന്നു.
അടുത്തിടെ പ്രസിദ്ധീകരിച്ച 'അസ്‌ട്രോ ഫിസിക്കല്‍ ജേണല്‍ ലെറ്റേഴ്‌സിലാണ്' സോഡിയം ശേഖരം കണ്ടെത്തിയതായി ഐഎസ്ആര്‍ഒ വ്യക്തമാക്കിയത്. യുആര്‍ റാവു സാറ്റലൈറ്റ് സെന്ററില്‍ നിര്‍മിച്ച 'ക്ലാസ്' ചന്ദ്രനിലെ സോഡിയം ശേഖരം ഉള്ളതിന്റെ വ്യക്തമായ തെളിവുകള്‍ നല്‍കുന്നുണ്ട്. ഈ മേഖലയിൽ കൂടുതല്‍ പഠനങ്ങള്‍ക്ക് ഈ പഠനം സഹായിക്കുമെന്നും ഐഎസ്ആര്‍ഒ പറഞ്ഞു.
Content Highlights: Chandrayaan-2 spectrometer maps abundance of sodium on moon
Published: 08 Oct 2022, 01:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented