അടുത്ത ഒരു ദശാബ്ദത്തിനുള്ളില്‍ മനുഷ്യര്‍ക്ക് ഒരു തമോഗര്‍ത്ത വിസ്‌ഫോടനം കാണാനുള്ള ഭാഗ്യമുണ്ടായേക്കുമെന്ന് ശാസ്ത്രജ്ഞര്‍. 90 ശതമാനം സാധ്യതയാണ് ഇതിന് അവര്‍ നല്‍കുന്നത്. പ്രപഞ്ചത്തെ സൃഷ്ടിക്കുന്ന തമോദ്രവ്യം പോലുള്ള അജ്ഞാത കണികകളെ പഠിക്കാന്‍ കഴിയുമെന്നതിനാല്‍, ഇങ്ങനെ ഒരു സ്ഫോടനം പ്രപഞ്ചത്തിന്റെ ചരിത്രത്തെ തിരുത്തിയെഴുതുമെന്ന് ആംഹെര്‍സ്റ്റിലെ മസാച്യുസെറ്റ്‌സ് സര്‍വകലാശാലയിലെ ഗവേഷകര്‍ വിശ്വസിക്കുന്നു.
ഇതുവരെ സിദ്ധാന്തം മാത്രമായിരുന്ന പ്രൈമോര്‍ഡിയല്‍ തമോഗര്‍ത്തത്തിന്റെ (Primordial Blackhole) ശക്തമായ തെളിവായിരിക്കും ഈ സ്‌ഫോടനമെന്ന് ഫിസിക്കല്‍ റിവ്യൂ ലെറ്റേഴ്‌സില്‍ പ്രസിദ്ധീകരിച്ച പഠനത്തില്‍ പറയുന്നു. 1970-ല്‍ സ്റ്റീഫന്‍ ഹോക്കിങാണ് പിബിഎച്ച് എന്ന ആശയം അവതരിപ്പിച്ചത്. മഹാവിസ്‌ഫോടനത്തിന് സെക്കന്‍ഡുകള്‍ക്കുള്ളിലാണ് ഇത് സൃഷ്ടിക്കപ്പെട്ടതെന്നും അദ്ദേഹം പറയുന്നു. പ്രൈമോഡിയല്‍ തമോഗര്‍ത്തങ്ങളെ കുറിച്ചുള്ള പഠനങ്ങളിലൂടെ മഹാവിസ്‌ഫോടനങ്ങളെ കുറിച്ചുള്ള കൂടുതല്‍ തെളിവുകള്‍ കണ്ടെത്താന്‍ ശാസ്ത്രജ്ഞര്‍ക്ക് സാധിച്ചേക്കും
തമോഗര്‍ത്ത സ്ഫോടനം എന്തായാലും ഈ ദശാബ്ദത്തില്‍ സംഭവിക്കുമെന്ന് തങ്ങള്‍ അവകാശപ്പെടുന്നില്ലെന്നും 90% സാധ്യത മാത്രമാണുള്ളത്. അത് നിരീക്ഷിക്കുന്നതിനുള്ള സാങ്കേതിക വിദ്യകള്‍ നമുക്കുള്ളതിനാല്‍ നമ്മള്‍ തയ്യാറായിരിക്കണം. ആംഹെര്‍സ്റ്റിലെ മസാച്യുസെറ്റ്‌സ് സര്‍വകലാശാലയിലെ അസിസ്റ്റന്റ് പ്രൊഫസര്‍ മൈക്കല്‍ ബേക്കര്‍ പറഞ്ഞു.
Content Highlights: Scientists predict a 90% chance of observing a black hole explosion within the next decade
Published: 14 Sept 2025, 05:02 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented