പുതിയ എം5 ചിപ്പില്‍ മാക്ക്ബുക്ക് പ്രോയുടെ 14 ഇഞ്ച് പതിപ്പ് അവതരിപ്പിച്ച് ആപ്പിള്‍. വരുംതലമുറ ജിപിയുവും ന്യൂറല്‍ ആക്‌സിലറേറ്ററുമുള്ള എം5 ചിപ്പ് നൂതനമായ എഐ ഫീച്ചറുകളുടെ സുഗമമായ പ്രവര്‍ത്തനത്തിനും പിന്തുണ നല്‍കും. മുമ്പ് ഉണ്ടായിരുന്നതിനെക്കാള്‍ 3.5 ഇരട്ടി എഐ പെര്‍ഫോമന്‍സും 1.6 ഇരട്ടി വേഗമേറിയ ഗ്രാഫിക്‌സുമാണ് ചിപ്പ് വാഗ്ദാനം ചെയ്യുന്നത്. എം5 ചിപ്പില്‍ പ്രവര്‍ത്തിക്കുന്ന ഐപാഡ് പ്രോയും വിഷന്‍ പ്രോ ഹെഡ്‌സെറ്റും ആപ്പിള്‍ ഇതോടൊപ്പം ബുധനാഴ്ച പുറത്തിറക്കിയിട്ടുണ്ട്.
169000 രൂപയാണ് 14 ഇഞ്ച് മാക്ക്ബുക്ക് പ്രോ എം5 ന് വില. വിദ്യാര്‍ഥികൾക്ക് 159000 രൂപയ്ക്ക് വാങ്ങാനാവും. ഒക്ടോബര്‍ 22 മുതല്‍ വില്‍പന ആരംഭിക്കും. 24 മണിക്കൂര്‍ ബാറ്ററി ലൈഫാണ് കമ്പനി വാഗ്ദാനം ചെയ്യുന്നത്. എസ്എസ്ഡിയുടെ പ്രവര്‍ത്തന വേഗവും എം5 ല്‍ വര്‍ധിക്കും.
ലാപ്‌ടോപ്പിന്റെ ഫീച്ചറുകള്‍
ഡിസൈനും ഡിസ്‌പ്ലേയും ഹാര്‍ഡ്വെയറും
- നിറങ്ങള്‍: സ്പേസ് ബ്ലാക്ക് (space black), സില്‍വര്‍ (silver) എന്നീ നിറങ്ങളില്‍ പുതിയ മാക്ബുക്ക് പ്രോ ലഭ്യമാണ്
- ഡിസ്‌പ്ലേ: Liquid Retina XDR ഡിസ്‌പ്ലേ ആണ് ഇതിന്.
- ക്യാമറയും ശബ്ദവും: ഒരു 12MP Center Stage ക്യാമറയും ഒരു ആറ്-സ്പീക്കര്‍ അടങ്ങുന്ന സൗണ്ട് സിസ്റ്റവും ഇതില്‍ ഉള്‍പ്പെടുന്നു.
- പോര്‍ട്ടുകള്‍: മാക്ബുക്ക് പ്രോയില്‍ വിശാലമായ പോര്‍ട്ടുകള്‍ ലഭ്യമാണ്.
ബാറ്ററിയും സ്റ്റോറേജും
- ബാറ്ററി ലൈഫ്: ഇതിന് 24 മണിക്കൂര്‍ വരെ ബാറ്ററി ലൈഫ് ലഭിക്കുമെന്ന് കമ്പനി അവകാശപ്പെടുന്നു.
- എസ്എസ്ഡി പ്രകടനം: RAW ഇമേജ് ഫയലുകള്‍ ഇംപോര്‍ട്ട് ചെയ്യുക, വലിയ വീഡിയോകള്‍ എക്സ്പോര്‍ട്ട് ചെയ്യുക പോലുള്ള ജോലികള്‍ക്കായി മുന്‍ തലമുറയേക്കാള്‍ വേഗതയേറിയ SSD പ്രകടനം M5 മാക്ബുക്ക് പ്രോ വാഗ്ദാനം ചെയ്യുന്നു.
- സ്റ്റോറേജ് ഓപ്ഷന്‍: ഉപയോക്താക്കള്‍ക്ക് 4TB വരെ സ്റ്റോറേജ് തിരഞ്ഞെടുക്കാം
സോഫ്റ്റ്വെയറും എഐ ഫീച്ചറുകളും
- ഓപ്പറേറ്റിംഗ് സിസ്റ്റം: ഇത് macOS Tahoe ഓപ്പറേറ്റിംഗ് സിസ്റ്റത്തിലാണ് വരുന്നത്.
- ലിക്വിഡ് ഗ്ലാസ് യുഐ: ലിക്വിഡ് ഗ്ലാസ് യൂസര്‍ ഇന്റര്‍ഫെയ്‌സ് ആണിതിന്, ഐഒഎസ് 26 ന് സമാനമാണിത്.
- പേഴ്‌സണലൈസേഷന്‍: അപ്‌ഡേറ്റ് ചെയ്ത കണ്‍ട്രോള്‍ സെന്റര്‍, ഫോള്‍ഡറുകള്‍, ആപ്പ് ഐക്കണുകള്‍, വിജറ്റുകള്‍ എന്നിവയ്ക്കുള്ള പുതിയ കളര്‍ ഓപ്ഷനുകളും ഉപയോഗിച്ച് ഉപയോക്താക്കള്‍ക്ക് മാക് പേഴ്‌സണലൈസ് ചെയ്യാന്‍ കൂടുതല്‍ ഓപ്ഷനുകള്‍ ലഭ്യമാണ്.
- ആപ്പിള്‍ ഇന്റലിജന്‍സ്: മെസേജസ്, ഫേസ്‌ടൈം, ഫോണ്‍ ആപ്പുകളില്‍ ആപ്പിള്‍ ഇന്റലിജന്‍സ് ഫീച്ചറുകള്‍ ലഭിക്കും.
- ലൈവ് ട്രാന്‍സ്ലേഷന്‍: വ്യത്യസ്ത ഭാഷകളില്‍ ആശയവിനിമയം നടത്താന്‍ സഹായിക്കുന്ന ലൈവ് ട്രാന്‍സ്ലേഷന്‍ ഫീച്ചര്‍ ഇതിലുണ്ട്.
Content Highlights: Apple unveils 14-inch MacBook Pro with new M5 chip, delivering faster performance and advanced AI features.
Published: 16 Oct 2025, 05:59 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented