സ്വിസ് ഓപ്പണ്‍ ബാഡ്മിന്റണ്‍ വനിതാ ഡബിള്‍സില്‍ സെമി ഫൈനലില്‍ കടന്ന് ട്രീസ ജോളി - ഗായത്രി ഗോപീചന്ദ് സഖ്യം. ഹോങ് കോങിന്റെ യുങ് എന്‍ഗാ ടിങ് - യുങ് പുയി ലാം സഖ്യത്തെ തകര്‍ത്താണ് സെമി ബര്‍ത്ത് നേടിയത്. 44 മിനിറ്റ് നീണ്ട പോരാട്ടത്തില്‍ 21-18, 21-14 നാണ് ജയം.
കാസര്‍കോട് ചെറുപുഴ സ്വദേശിയായ ട്രീസയുടെയും പി. ഗോപീചന്ദിന്റെ മകളായ ഗായത്രിയുടെയും സെമി പ്രവേശം ആധികാരികമായിരുന്നു. ഓപ്പണിങ് ഗെയിമില്‍ ഒരു ഘട്ടത്തില്‍ 9-13-ല്‍നിന്ന് 15-15ലേക്ക് ശക്തമായി തിരിച്ചെത്തിയതൊഴിച്ചാല്‍ ഹോങ് കോങ് താരങ്ങള്‍ക്ക് മറ്റു വെല്ലുവിളികളൊന്നും ഇന്ത്യന്‍ സഖ്യത്തിനു നേരെ ഉയര്‍ത്താനായില്ല. ഇതു പിന്നീട് 18-15ലെത്തിക്കാന്‍ ട്രീസയ്ക്കും ഗായത്രിക്കും കഴിഞ്ഞു.
മികച്ച റാങ്കുള്ള ചൈനയുടെ ഷെങ് ഷു ലിയു - ടാന്‍ നിങ് സഖ്യത്തെയാണ് സെമിയില്‍ നേരിടേണ്ടത്. പുരുഷ സിംഗിള്‍സ് ക്വാര്‍ട്ടര്‍ പോരാട്ടത്തില്‍ ഫ്രാന്‍സിന്റെ ക്രിസ്റ്റോ പൊപോവിനോട് ഇന്ത്യയുടെ ശങ്കര്‍ മുത്തുസ്വാമി സുബ്രഹ്‌മണ്യന്‍ പരാജയപ്പെട്ടു. കഴിഞ്ഞ മത്സരത്തില്‍ ലോക രണ്ടാംനമ്പര്‍ താരം ആന്‍ഡേഴ്‌സ് ആന്റേഴ്‌സനെ തകര്‍ത്തായിരുന്നു ശങ്കറിന്റെ ക്വാര്‍ട്ടര്‍ പ്രവേശം.
Content Highlights: Treesa Gayatri pair reached semifinals and Sankar Muthusamy knocked out
Published: 22 Mar 2025, 01:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented