
പാരീസ്: റോളണ്ട് ഗാരോസില് ഈ വര്ഷത്തെ സെറീന വില്യംസിന്റെ പോരാട്ടം അവസാനിച്ചു. നാലാം റൗണ്ടില് കസാക്കിസ്താന് താരമായ എലെന റിബാക്കിനയോട് തോറ്റ് സെറീന ഫ്രഞ്ച് ഓപ്പണില് നിന്ന് പുറത്തായി. സ്കോര്: 6-3, 7-5.
ഒരു മണിക്കൂറും 17 മിനിറ്റും മാത്രം നീണ്ടുനിന്ന മത്സരത്തില് ആദ്യം സെറ്റില് ആധികാരികമായിരുന്നു 21-കാരിയായ റിബാക്കിനയുടെ പ്രകടനം.
മാര്ഗരറ്റ് കോര്ട്ടിന്റെ 24 ഗ്രാന്ഡ്സ്ലാം കിരീടമെന്ന റെക്കോഡിനൊപ്പമെത്താന് ഒരു കിരീടം മാത്രം അകലെയുള്ള സെറീനയ്ക്ക് തോല്വി ഹൃദയഭേദകമായി.
അതേസമയം 15-ാം സീഡ് ബലാറസിന്റെ വിക്ടോറിയ അസരെങ്കയെ കീഴടക്കി റഷ്യയുടെ അനസ്താസിയ പാവ്ലിചെങ്കോവ ക്വാര്ട്ടറില് എത്തി (5-7, 6-3, 6-2). സ്ലോവേന്യയുടെ തമാറ സിഡാന്സെക്, സ്പെയിനിന്റെ പോള ബഡോസ എന്നിവരും ക്വാര്ട്ടറിലെത്തി. സിഡാന്സെക് റുമാനിയയുടെ സൊറാന സിര്സ്റ്റിയെയും (7-6, 6-1) ബഡോസ ചെക്ക് റിപ്പബ്ലിക്കിന്റെ മര്ക്കേറ്റ വോണ്ഡ്രൂസോവയെയും (6-4, 3-6, 6-2) തോല്പ്പിച്ചു.
പുരുഷവിഭാഗത്തില് ഗ്രീക്ക് താരം സ്റ്റെഫാനോസ് സിറ്റ്സിപാസും റഷ്യയുടെ ഡാനില് മെദ്വദേവും ക്വാര്ട്ടറിലെത്തി.
Content Highlights: Serena Williams crashes out of French Open 2021
Published: 07 Jun 2021, 10:05 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented