ബാസെല്‍: ഇന്ത്യന്‍ ബാഡ്മിന്റണ്‍ താരങ്ങളായ പി.വി സിന്ധുവും കിഡംബി ശ്രീകാന്തും സ്വിസ് ഓപ്പണ്‍ ടൂര്‍ണമെന്റിന്റെ സെമി ഫൈനലില്‍ പ്രവേശിച്ചു.
സിന്ധുവും ശ്രീകാന്തും നേരിട്ടുള്ള സെറ്റുകള്‍ക്കാണ് വിജയം സ്വന്തമാക്കിയത്. സിന്ധു ബുസാനന്‍ ഒങ്ബംറുങ്ഫാനെയും ശ്രീകാന്ത് കാന്റഫോണ്‍ വാങ്ചറോയെനിനെയും പരാജയപ്പെടുത്തി.
21-16, 22-21 എന്ന സ്‌കോറിനാണ് സിന്ധുവിന്റെ വിജയം. ആദ്യ സെറ്റ് അനായാസം സ്വന്തമാക്കിയ ഇന്ത്യന്‍ താരം രണ്ടാം സെറ്റില്‍ നന്നായി വിയര്‍ത്തു. പക്ഷേ പരിചയസമ്പത്ത് സിന്ധുവിന് തുണയായി.
ശ്രീകാന്ത് 21-19, 21-15 എന്ന സ്‌കോറിന് വിജയിച്ചു. തകര്‍പ്പന്‍ ഫോമാണ് താരം കാഴ്ചവെച്ചത്.
എന്നാല്‍ ഇന്ത്യയുടെ മിക്‌സഡ് ഡബിള്‍സ് കിരീട പ്രതീക്ഷയായിരുന്ന സാത്വിക്-അശ്വിനി സഖ്യം ക്വാര്‍ട്ടര്‍ ഫൈനലില്‍ പുറത്തായി. മലേഷ്യയുടെ ടാന്‍ കിയാന്‍ മെങ്-ലായ് പെയ് ജിങ് സഖ്യത്തോട് മൂന്നു സെറ്റ് നീണ്ട പോരാട്ടത്തിനൊടുവിലാണ് ഇന്ത്യന്‍ സഖ്യം കീഴടങ്ങിയത്. സ്‌കോര്‍: 17-21, 21-16, 18-21.
Content Highlights: PV Sindhu, Kidambi Srikanth through to semifinals of Swiss Open
Published: 06 Mar 2021, 10:39 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented