ലണ്ടന്: ഉത്തേജക മരുന്ന് പരിശോധനയില് പരാജയപ്പെട്ട ലോക ഒന്നാം നമ്പര് ടെന്നീസ് താരം യാനിക് സിന്നറിന് വിലക്ക്. കഴിഞ്ഞ വര്ഷം ലോക ഉത്തേജക വിരുദ്ധ ഏജന്സി നടത്തിയ പരിശോധനയില് നിരോധിത മരുന്നിന്റെ സാന്നിധ്യം കണ്ടെത്തിയിരുന്നു. ഇതാണ് താരത്തിന് വിനയായത്.
ഫെബ്രുവരി ഒമ്പത് മുതല് മെയ് നാല് വരെയാണ് വിലക്ക് ഏര്പ്പെടുത്തിയിരിക്കുന്നത്. അതിനാല് മെയ് 19-ന് ആരംഭിക്കുന്ന ഫ്രഞ്ച് ഓപ്പണില് താരത്തിന് കളിക്കാനായേക്കും. കഴിഞ്ഞ മാസം നടന്ന ഓസ്ട്രേലിയന് ഓപ്പണിലെ ജേതാവായിരുന്നു യാനിക് സിന്നര്.
ഫിസിയോ തെറാപ്പിസ്റ്റിന്റെ നിര്ദേശപ്രകാരമാണ് നിരോധിക്കപ്പെട്ട ക്ലോസ്റ്റബോള് ഉള്പ്പെട്ട മരുന്ന് ഉപയോഗിച്ചതെന്ന് സിന്നര് വിശദീകരണം നല്കിയിരുന്നു. ഈ വിശദീകരണം അംഗീകരിച്ച ലോക ഉത്തേജക വിരുദ്ധ ഏജന്സി (വാഡ) കടുത്ത നടപടികള് എടുത്തിരുന്നില്ല.
കായികകോടതിയില് താരം മന:പൂര്വ്വം ചതിപ്രയോഗം നടത്തിയില്ലെന്ന് വ്യക്തമാക്കിയെങ്കിലും ഉത്തരവാദിത്തത്തില് നിന്ന് കളിക്കാരന് മാറിനില്ക്കാനാകില്ലെന്നും വാഡ നിലപാടെടുത്തു. താരം നടപടി അംഗീകരിച്ച് കേസ് ഒത്തുതീര്പ്പിലെത്താമെന്ന് അറിയിച്ചതോടെയാണ് മൂന്ന് മാസത്തേക്ക് വിലക്കേര്പ്പെടുത്തിയത്.
Content Highlights: Jannik Sinner banned for 3 months on doping charges
Published: 15 Feb 2025, 04:35 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented