ന്യൂഡല്‍ഹി: ടേബിള്‍ ടെന്നീസ് ലോകചാമ്പ്യന്‍ഷിപ്പില്‍ നിന്ന് ഇന്ത്യയുടെ ടോപ് സീഡ് പുരുഷതാരം ശരത് കമല്‍ അജന്ത പിന്മാറി. വ്യക്തിപരമായ കാരണങ്ങള്‍ മൂലമാണ് താരം ടൂര്‍ണമെന്റില്‍ നിന്ന് വിട്ടുനില്‍ക്കുന്നത്.
സെപ്റ്റംബര്‍ 30 മുതല്‍ ഒക്ടോബര്‍ ഒന്‍പത് വരെ ചൈനയിലാണ് ലോകചാമ്പ്യന്‍ഷിപ്പ് നടക്കുന്നത്. 40 കാരനായ ശരത് കമല്‍ ഈയിടെ അവസാനിച്ച ബര്‍മിങ്ങാം കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് വേണ്ടി മൂന്ന് സ്വര്‍ണമെഡലുകള്‍ നേടിയിരുന്നു.
ശരത് കമലിന്റെ അഭാവത്തില്‍ സത്തിയന്‍ ജ്ഞാനശേഖരന്‍ ഇന്ത്യന്‍ പുരുഷ ടീമിനെ നയിക്കും. വനിതാ വിഭാഗത്തിന്റെ ചുമതല മനിക ബത്രയ്ക്കാണ്. കോമണ്‍വെല്‍ത്ത് ഗെയിംസില്‍ നിറം മങ്ങിയ മനിക ലോകചാമ്പ്യന്‍ഷിപ്പിലൂടെ തിരിച്ചുവരവിനൊരുങ്ങുകയാണ്.
ഇന്ത്യന്‍ പുരുഷ ടീം: സത്തിയന്‍ ജ്ഞാനശേഖരന്‍, സനില്‍ ഷെട്ടി, ഹര്‍മീത് ദേശായി, മനുഷ് ഷാ, മാനവ് താക്കര്‍.
വനിതാ ടീം: മനിക ബത്ര, ശ്രീജ അകുല, റീഥ് റിഷ്യ, ദിയ ചിറ്റാലെ, സ്വസ്തിക ഘോഷ്.
Content Highlights: sharath kamal achanta, table tennis, world table tennis championship, sports news, manika batra
Published: 30 Aug 2022, 08:58 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented