ന്യൂഡല്ഹി: ഗുസ്തി ഫെഡറേഷന് ഓഫ് ഇന്ത്യ മുന് മേധാവി ബ്രിജ്ഭൂഷണ് ശരണ് സിങ്ങിനെതിരായ പ്രതിഷേധത്തിന്റെ ഭാഗമായി അവാര്ഡുകള് തിരികെ നല്കുമെന്നറിയിച്ച് ഗുസ്തി താരം വിനേഷ് ഫോഗട്ട്. പ്രധാനമന്ത്രിക്ക് അയച്ച കത്തിലാണ് പുരസ്കാരങ്ങള് തിരിച്ച് നല്കാനുള്ള തീരുമാനം വിഗ്നേഷ് ഫോഗട്ട് അറിയിച്ചത്. ഖേല്രത്ന, അര്ജുന അവാര്ഡുകള് തിരികെ നല്കുമെന്നാണ് കത്തിലെ ഉള്ളടക്കം.
നേരത്തേ ബ്രിജ്ഭൂഷന്റെ അടുപ്പക്കാരന് സഞ്ജയ് സിങ്ങിനെ ഗുസ്തി ഫെഡറേഷന് ഓഫ് ഇന്ത്യ പ്രസിഡന്റായി തിരഞ്ഞെടുത്തതില് പ്രതിഷേധിച്ച് സാക്ഷി മാലിക് ഗുസ്തിയില്നിന്ന് വിരമിക്കല് പ്രഖ്യാപിച്ചിരുന്നു. പിന്നാലെ ബജ്രംഗ് പുനിയ പദ്മശ്രീ മടക്കിനല്കിയും പ്രതിഷേധിച്ചു. പിന്നാലെ, ഗൂംഗല് പെഹല്വാന് എന്നറിയപ്പെടുന്ന ബധിര ഒളിമ്പിക്സ് സ്വര്ണമെഡല് ജേതാവ് വീരേന്ദര് സിങ് യാദവും മെഡല് തിരികെ നല്കുമെന്ന് പ്രഖ്യാപിച്ചു.
ഇതോടെ പുതിയതായി തിരഞ്ഞെടുക്കപ്പെട്ട ദേശീയ ഗുസ്തി ഫെഡറേഷന് ഭരണസമിതി കേന്ദ്രസര്ക്കാര് പിരിച്ചുവിട്ടു. ദേശീയ മത്സരങ്ങള് തിടുക്കത്തില് പ്രഖ്യാപിച്ചെന്ന കാരണം ചൂണ്ടിക്കാട്ടിയാണ് കേന്ദ്ര കായികമന്ത്രാലയം ഗുസ്തി ഫെഡറേഷന് സസ്പെന്ഡ് ചെയ്തത്.
Content Highlights: wrestler vinesh phogat writes to pm modi, will return national awards
Published: 26 Dec 2023, 07:49 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented