
ഡല്ഹിയില് നടന്ന ഇന്ത്യ ഓപ്പണ് ഇന്റര്നാഷണല് കിക്ക് ബോക്സിങ് ചാമ്പ്യന്ഷിപ്പില് വെങ്കലമെഡല് നേടി മലയാളി താരം സഞ്ജു എം.എസ്. ഫെബ്രുവരി ഒന്നുമുതല് അഞ്ചുവരെ നടന്ന നാലാമത് വാക്കോ ഓപ്പണ് ഇന്റര്നാഷണല് കിക്ക് ബോക്സിങ് ചാമ്പ്യന്ഷിപ്പില് റിങ് ഈവന്റില് പെണ്കുട്ടികളുടെ 48 കിലോഗ്രാം വിഭാഗത്തിലാണ് സഞ്ജു മെഡല് നേടിയത്.
ഇതിന് മുമ്പ് ആറ് ദേശീയ ചാമ്പ്യന്ഷിപ്പുകളില് സ്വര്ണമെഡല്, തായ്ലന്ഡില് വെച്ച് നടന്ന ഏഷ്യന് കിക്ക് ബോക്സിങ് ചാമ്പ്യന്ഷിപ്പില് വെങ്കലമെഡല്, ഉസ്ബെക്കിസ്താനില് വെച്ച് നടന്ന ചാമ്പ്യന്ഷിപ്പില് വെങ്കലം തുടങ്ങിയവയാണ് സഞ്ജുവിന്റെ മെഡല് നേട്ടങ്ങള്. ചുമട്ടുതൊഴിലാളിയായ എസ് സജിയുടെയും വി. മഞ്ജുവിന്റെയും മകളാണ് സഞ്ജു.
2014ല് കാട്ടാക്കട ക്രിസ്ത്യന് കോളേജിലെ പഠനകാലത്താണ് കിക്ക് ബോക്സിങ്ങിലേക്ക് തിരിഞ്ഞത്. ബോക്സിങ്ങിലേക്ക് ആദ്യമെത്തിയെങ്കിലും പരിശീലകനായ എ.എസ് വിവേകിലൂടെയാണ് കിക്ക് ബോക്സിങ്ങിലേക്ക് തിരിഞ്ഞത്. പഠനം പൂര്ത്തിയാക്കി ബ്രഹ്മോസില് താത്കാലിക ജോലിക്ക് കയറിയെങ്കിലും പിന്നീട് മുഴുവന് സമയവും കിക്ക് ബോക്സിങ്ങിന് വേണ്ടി നീക്കിവെയ്ക്കുകയായിരുന്നു.
Content Highlights: Sanju MS Wins Bronze at India Open Kickboxing
Published: 10 Feb 2025, 05:57 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented