ന്യൂഡല്ഹി: കൊറോണ വൈറസ് വ്യാപിക്കുന്ന സാഹചര്യത്തില് ഏഷ്യയിലെ ലോകകപ്പ് യോഗ്യതാ മത്സരങ്ങള് മാറ്റിവെയ്ക്കാന് ഏഷ്യന് ഫുട്ബോള് കോണ്ഫെഡറേഷന് തീരുമാനിച്ചു. ഇതുസംബന്ധിച്ച് ഇന്ത്യന് ഫുട്ബോള് ഫെഡറേഷന് അറിയിപ്പ് ലഭിച്ചു.
ഇനി നാല് മത്സരങ്ങളാണ് ഇന്ത്യക്കുള്ളത്. മാര്ച്ച് 26-ന് ഖത്തറിനെതിരേയും 31-ന് താജികിസ്താനെതിരേയുമാണ് ഇന്ത്യയുടെ ആദ്യ രണ്ട് മത്സരങ്ങള്. ഇതിന് പിന്നാലെ ജൂണില് അഫ്ഗാനിസ്താന്, ബംഗ്ലാദേശ് ടീമുകള്ക്കെതിരേയും മത്സരങ്ങളുണ്ട്. പുതുക്കിയ തിയ്യതി പിന്നീട് പ്രഖ്യാപിക്കും.
ഒക്ടോബറിലും നവംബറിലുമാകും ഇനി ഈ മത്സരങ്ങള് നടക്കുക. ഒപ്പം എ.എഫ്.സി നടത്തുന്ന മാര്ച്ചിലേയും ജൂണിലേയും എല്ലാ മത്സരങ്ങളും മാറ്റിവെയ്ക്കും. യോഗ്യതാ മത്സരങ്ങള് നീട്ടിയതോടെ ഇന്ത്യന് ക്യാമ്പും ഉപേക്ഷിക്കും. ഈ ആഴ്ച്ചയാണ് ക്യാമ്പ് ആരംഭിക്കേണ്ടിയിരുന്നത്.
Content Highlights: FIFA and AFC agree to postpone Asian World Cup qualifiers
Published: 09 Mar 2020, 06:13 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented