ബെല്‍ഗ്രേഡ്: ലോകചാമ്പ്യനെ അട്ടിമറിച്ചുകൊണ്ട് ഇന്ത്യന്‍ ഗുസ്തി താരം അന്തിം പംഗല്‍ ലോക ചാമ്പ്യന്‍ഷിപ്പിന്റെ സെമി ഫൈനലില്‍. നിലവിലെ ചാമ്പ്യനായ അമേരിക്കയുടെ ഒലീവിയ ഡൊമിനിക് പാറിഷിനെയാണ് അന്തിം കീഴടക്കിയത്.
വനിതകളുടെ 53 കിലോ വിഭാഗത്തിലാണ് അന്തിം വിജയം നേടിയത്. 3-2 എന്ന സ്‌കോറിനാണ് ഇന്ത്യന്‍ താരത്തിന്റെ വിജയം. 2-0 ന് പിന്നില്‍ നിന്ന അന്തിം പിന്നീട് തിരിച്ചടിക്കുകയായിരുന്നു. രണ്ട് തവണ അണ്ടര്‍ 20 ചാമ്പ്യനായ അന്തിം അത്ഭുത പ്രകടനമാണ് പുറത്തെടുത്തത്. 19 വയസ്സ് മാത്രമാണ് ഇന്ത്യന്‍ താരത്തിന്റെ പ്രായം. ഒലീവിയയെ കീഴടക്കിയ അന്തിം ക്വാര്‍ട്ടറിലേക്ക് മുന്നേറി.
പിന്നാലെ നടന്ന ക്വാര്‍ട്ടര്‍ ഫൈനല്‍ മത്സരത്തില്‍ പോളണ്ടിന്റെ റോക്‌സാന മാര്‍ത്ത സാസിനയെ 9-6 ന് കീഴടക്കി അന്തിം കരുത്തുകാട്ടി. ഈ വിജയത്തിന്റെ കരുത്തില്‍ താരം സെമിയിലേക്ക് കുതിക്കുകയും ചെയ്തു. എന്നാല്‍ മറ്റ് ഇന്ത്യന്‍ താരങ്ങളായ മനീഷ, പ്രിയങ്ക, ജ്യോതി ബെര്‍വാള്‍ എന്നിവര്‍ ടൂര്‍ണമെന്റില് നിന്ന് പുറത്തായി.
Content Highlights: Antim Panghal Shocks Reigning World Champion Olivia Parrish, Reaches Semifinal
Published: 20 Sept 2023, 09:13 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented