ലുസൈല്: ഏഷ്യന്കപ്പ് ഫുട്ബോളില് മൂന്ന് ഗോള് ജയത്തോടെ ഖത്തര് പടയോട്ടം തുടങ്ങി. ഉദ്ഘാടന മത്സരത്തില് ആതിഥേയരായ ഖത്തര് എതിരില്ലാത്ത മൂന്ന് ഗോളിന് ലെബനനെ തോല്പ്പിച്ചു. അക്രം ആഫിഫിന്റെ ഇരട്ട ഗോളും (45,90+6) അല്മോയസ് അലിയുടെ (56) ഗോളുമാണ് വിജയമൊരുക്കിയത്. ആതിഥേയരും റാങ്കിങ്ങില് ഏറെമുന്നിലുള്ളവരുമായ ഖത്തിറിനെതിരേ മികച്ച പോരാട്ടം നടത്തിയാണ് ലെബനന് കീഴടങ്ങിയത്.
ഓഫ്സൈഡ് കെണിയില് ഖത്തറിനെ തളക്കാനായിരുന്നു ലെബനീസ് തന്ത്രം. കളിയുടെ ആറാംമിനിറ്റില് തന്നെ അല്മോയസ് അലിയിലൂടെ ഖത്തര് ഗോളടിച്ചെങ്കിലും വാര് പരിശോധനയില് അത് അസാധുവായി. പിന്നീടുംപലതവണ ഓഫ്സൈഡില് കുരുങ്ങിയ ഖത്തറിന് ആദ്യ ഗോള് കണ്ടെത്താന് ആദ്യ പകുതിയുടെ അവസാന മിനിറ്റിന് വരെ കാത്തിരിക്കേണ്ടി വന്നു.
ഏഷ്യന് കപ്പ് ഫുട്ബോളില് ഓസ്ട്രേലിയക്കെതിരേ അങ്കംകുറിച്ച് ഇന്ത്യ ഇന്ന് കളത്തിലിറങ്ങും. റാങ്കിങ്ങും ചരിത്രവും പരിഗണിക്കുമ്പോള് ജയം ഇന്ത്യയുടെ അതിമോഹമാണ്. ബി ഗ്രൂപ്പിലെ പോരാട്ടത്തിന് വേദിയാകുന്നത് അല് റയ്യാനിലെ അഹമ്മദ് ബിന് അലി സ്റ്റേഡിയം. ഇന്ത്യന്സമയം ഇന്ന് ഉച്ചയ്ക്ക് 2.30-നാണ് കിക്കോഫ്.
Content Highlights: AFC Asian Cup 2023 opener-Qatar vs Lebanon
Published: 13 Jan 2024, 02:36 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented