ഫ്ളോറിഡ: ഫിഫ ക്ലബ്ബ് ലോകകപ്പില് ഇറ്റാലിയന് ക്ലബ്ബ് യുവന്റസിനെ വീഴ്ത്തി റയല് മാഡ്രിഡ് ക്വാര്ട്ടറില്. ഏകപക്ഷീയമായ ഒരു ഗോളിനായിരുന്നു സ്പാനിഷ് ടീമിന്റെ ജയം. 54-ാം മിനിറ്റില് ഹെഡറിലൂടെ ഗോണ്സാലോ ഗാര്സിയയാണ് മത്സരത്തിന്റെ ഫലം നിര്ണയിച്ച ഗോള് നേടിയത്.
മത്സരത്തിന്റെ ആദ്യ മിനിറ്റുകളില് മികച്ച മുന്നേറ്റങ്ങള് നടത്തിയ യുവന്റസ് പിന്നീട് നിറംമങ്ങി. തുടര്ന്ന് റയല് ആധിപത്യം പുലര്ത്തി. വിങ്ങിലൂടെ മികച്ച മുന്നേറ്റങ്ങള് നടത്തിയ വിനീഷ്യസ് ജൂനിയര് റയലിന് മികച്ച ഗോളവസരങ്ങള് ഒരുക്കിയെങ്കിലും പലപ്പോഴും യുവന്റസ് ഗോള്കീപ്പര് മൈക്കല് ഡി ഗ്രെഗോറിയോയുടെ എണ്ണം പറഞ്ഞ സേവുകള് തിരിച്ചടിയായി. ഗ്രെഗോറിയോയുടെ മികച്ച പ്രകടനമാണ് യുവന്റസിന്റെ തോല്വി ഭാരം കുറച്ചത്.
54-ാം മിനിറ്റില് വിങ്ങിലൂടെയുള്ള വിനീഷ്യസിന്റെ മുന്നേറ്റത്തിനൊടുവില് ട്രെന്റ് അലക്സാണ്ടര് അര്നോള്ഡ് നല്കിയ ക്രോസ് വലയിലാക്കിയാണ് ഗോണ്സാലോ ഗാര്സിയ റയലിന്റെ ജയം ഉറപ്പാക്കിയത്. രണ്ടാം പകുതിയില് റയലിനായി കിലിയന് എംബാപ്പെ പകരക്കാരനായി ഇറങ്ങി. പരിക്ക് കാരണം ഗ്രൂപ്പ് ഘട്ടം എംബാപ്പെയ്ക്ക് നഷ്ടമായിരുന്നു. ക്വാര്ട്ടര് ഫൈനലില് ബൊറൂസിയ ഡോര്ട്ട്മുണ്ട് - മോണ്ടെറി മത്സരത്തിലെ വിജയികളാകും റയലിന്റെ എതിരാളികള്.
Content Highlights: Real Madrid defeats Juventus 1-0 in the FIFA Club World Cup, advancing to the quarterfinals
Published: 02 Jul 2025, 07:34 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented