മാഞ്ചസ്റ്റർ: ഇംഗ്ലീഷ് പ്രീമിയർ ലീഗിലെ മാഞ്ചസ്റ്റർ നാട്ടങ്കത്തിൽ യുണൈറ്റഡിനെതിരെ പത്ത് പേരുമായി പൊരുതിയ സിറ്റിക്ക് ജയം. എതിരില്ലാത്ത ഒരു ഗോളിനാണ് സിറ്റി വിജയിച്ചത്. 60-ാം മിനിറ്റിൽ എർലിങ് ഹാളണ്ട് സിറ്റിയുടെ വിജയഗോൾ കണ്ടെത്തി.

To advertise here,

യുണൈറ്റഡിന്റെ തട്ടകത്തിൽ നടന്ന പോരാട്ടത്തിൽ സിറ്റിയുടെ ഫിൽ ഫോഡൻ 23-ാം മിനിറ്റിൽ ചുവപ്പ് കാർഡ് കണ്ട് പുറത്തായിരുന്നു. തുടരെ നാലാം വിജയത്തോടെ സിറ്റി 12 പോയിന്റുമായി ഇംഗ്ലീഷ് പ്രീമിയർ ലീഗ് പോയിന്റ് പട്ടികയിൽ രണ്ടാമതാണ്.

മറ്റൊരു മത്സരത്തിൽ ആഴ്‌സണൽ എതിരില്ലാത്ത രണ്ട് ഗോളിന് സണ്ടർലൻഡിനെ വീഴ്ത്തി. 58-ാം മിനിറ്റിൽ ബ്രൂണോ ഗിമാറസ്, 98-ാം മിനിറ്റിൽ പെനാൽറ്റിയിലൂടെ ബുക്കയോ സാക്ക എന്നിവരാണ് ആഴ്‌സണലിന്റെ ഗോളുകൾ നേടിയത്. സണ്ടർലൻഡ് താരം റെയ്‌നിൽഡോ മൻഡാവ ഇഞ്ചുറി ടൈമിൽ ചുവപ്പ് കാർഡ് കണ്ട് പുറത്തായി.