
കൊൽക്കത്ത: വമ്പൻ തിരിച്ചുവരവിലൂടെ മിനർവ പഞ്ചാബ് എഫ്.സിയെ തകർത്ത ഗോകുലം കേരള എഫ്.സിക്ക് ഐ ലീഗ് ഫുട്ബോളിൽ ത്രസിപ്പിക്കുന്ന ജയം. ഏഴ് ഗോൾ പിറന്ന മത്സരത്തിൽ 4-3 നാണ് ഗോകുലം ജയിച്ചുകയറിയത്. സീസണിൽ ടീമിന്റെ ആദ്യജയമാണ്.
സ്ട്രൈക്കർ ഡെന്നീസ് ആന്റ്വി ഇരട്ടഗോൾ (69, 73) നേടി. ഫിലിപ്പ് അഡ്ജെയും (26) സ്കോർ ചെയ്തു. അൻവർ അലിയുടെ സെൽഫ് ഗോളും (75) ടീമിന്റെ അക്കൗണ്ടിലെത്തി. പഞ്ചാബിനായി ചെഞ്ചോ ഇരട്ടഗോൾ (18, 25) നേടി. റുപർട്ട് നോൻഗ്രൂമും (44) സ്കോർ ചെയ്തു. രണ്ട് കളിയിൽ ഗോകുലത്തിന് മൂന്ന് പോയന്റായി. പഞ്ചാബിനും ഇതേ പോയന്റാനുള്ളത്.
ആദ്യപകുതിയിൽ 3-1 ന് പിന്നിട്ടുനിന്ന ശേഷമാണ് ഗോകുലം തിരിച്ചുവന്നത്. പെനാൽട്ടി അടക്കം ഒട്ടേറെ സുവർണാവസങ്ങൾ ഗോകുലം പാഴാക്കി. പഞ്ചാബ് ഗോൾകീപ്പർ കിരൺകുമാർ ലിമ്പുവിന്റെ തകർപ്പൻ പ്രകടനം പഞ്ചാബിനും തുണയായി. ഡെന്നീസ് അന്റ്വിയുടെ പെനാൽട്ടി തടുത്തിട്ട ലിമ്പു ഗോളെന്നുറച്ച അരഡസൻ അവസരങ്ങൾ രക്ഷപ്പെടുത്തി. ഗോകുലം വഴങ്ങിയ മൂന്ന് ഗോളും പ്രതിരോധപ്പിഴവിൽ നിന്നായിരുന്നു.
Content highlights: Gokulam Kerala Fc beat Miverva Punjab FC in a thriller match
Published: 15 Jan 2021, 08:40 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented