ഗുവാഹത്തി: വെസ്റ്റിൻഡീസിനെതിരായ രണ്ടാം ഏകദിനത്തിൽ ഇരട്ട സെഞ്ചുറി നേടി ശുഭ്മാൻ ഗിൽ. ഇതോടെ രോഹിത് ശർമയ്ക്കുശേഷം ഏകദിനത്തിൽ ഒന്നിലധികം ഇരട്ട സെഞ്ചുറി നേടുന്ന താരമായി ഗിൽ.

To advertise here,

നേരത്തെ 2023-ൽ ന്യൂസിലൻഡിനെതിരെ പുറത്താകാതെ 208 റൺസാണ് ഗിൽ അടിച്ചത്. ഇത്തവണ വിൻഡീസിനെതിരെ 117 പന്തിൽ ഇരട്ട സെഞ്ചുറി പൂർത്തിയാക്കി. 24 ഫോറും ഏഴ് സിക്സറുകളും സഹിതമായിരുന്നു റെക്കോർഡ് ഇന്നിങ്സ്.

2017ൽ ശ്രീലങ്കയ്ക്കെതിരേയും 2013-ൽ ഓസ്ട്രേലിയയ്ക്കെതിരേയും 2014-ൽ ശ്രീലങ്കയ്ക്കെതിരേയുമാണ് രോഹിത് ഡബിൾ അടിച്ചത്. ഏകദിനത്തിലെ ഏറ്റവുമുയർന്ന സ്കോറും രോഹിതിന്റെ പേരിലാണ്. ശ്രീലങ്കയ്ക്കെതിരെ നേടിയ 264 റൺസാണിത്.

ഏകദിനത്തിൽ ഓപ്പണിങ് വിക്കറ്റിൽ ഏറ്റവുമുയർന്ന രണ്ടാമത്തെ കൂട്ടുകെട്ടും രോഹിതും ഗില്ലും പടുത്തുയർത്തി. ഇരുവരും 255 റൺസാണ് അടിച്ചെടുത്തത്. 75 പന്തിൽ 10 ഫോറും ആറ് സിക്സും സഹിതം 101 റൺസാണ് രോഹിത് നേടിയത്. 2001-ൽ കെനിയയ്ക്കെതിരെ 258 റൺസ് പടുത്തുയർത്തിയ സച്ചിൻ തെണ്ടുൽക്കറുടെയും സൗരവ് ഗാംഗുലിയുടെയും പേരിലാണ് ഏറ്റവുമുയർന്ന ഓപ്പണിങ് കൂട്ടുകെട്ട്.