ഓക്‌ലൻഡ്: ന്യൂസീലൻഡിനെതിരായ ആദ്യ ഏകദിനത്തിൽ മികച്ച ഫീൽഡിങ്ങുമായി ഇന്ത്യൻ താരങ്ങളായ രോഹിത് ശർമയും വിരാട് കോലിയും. ഓക്‌ലൻഡിലെ ഈഡൻ പാർക്കിൽ ഇരുവരും പുറത്തെടുത്ത പ്രകടനം എല്ലാവരേയും അമ്പരപ്പിക്കുന്നതായിരുന്നു. പ്രായത്തെ തോൽപ്പിച്ച്, യുവതാരങ്ങളെപ്പോലും വെല്ലുന്ന ഫീൽഡിങ്ങാണ് ഇരുവരും കാഴ്ച്ചവെച്ചത്.
ന്യൂസീലൻഡ് ഇന്നിങ്‌സിന്റെ 22-ാം ഓവറിൽ ഷോർട്ട് മിഡ് വിക്കറ്റിൽ ഫീൽഡ് ചെയ്യുന്നതിനിടയിൽ രോഹിതിന്റെ പ്രകടനം ന്യൂസീലൻഡിനെ പ്രതിരോധത്തിലാക്കി. അക്‌സർ പട്ടേലിന്റെ പന്തിൽ ഗ്ലെൻ ഫിലിപ്‌സ് റണ്ണിനായി ഓടി. വളരെ വേഗത്തിൽ പന്ത് കൈക്കലാക്കിയ രോഹിത് അത് വിക്കറ്റ് ലക്ഷ്യമാക്കി എറിഞ്ഞു. പന്ത് കൈപ്പിടിയിലൊതുക്കിയ വിക്കറ്റ് കീപ്പർ കെ.എൽ രാഹുൽ സ്റ്റമ്പ് ചെയ്തതോടെ ഡാരിൽ മിച്ചൽ റൺഔട്ടായി. 41 പന്തിൽ 28 റൺസായിരുന്നു മിച്ചലിന്റെ സമ്പാദ്യം.
29-ാം ഓവറിലാണ് മനോഹരമായ ക്യാച്ചുമായി വിരാട് കോലി കളം നിറഞ്ഞത്. അൻഷുൽ കാംബോജിന്റെ പന്തിൽ നഥാൻ സ്മിത്തിന്റെ ഷോട്ട് കോലി അനായാസം കൈപ്പിടിയിലൊതുക്കുകയായിരുന്നു. സെക്കന്റ് സ്ലിപ്പിൽ ഫീൽഡ് ചെയ്യുകയായിരുന്ന കോലി വലത് വശത്തേക്ക് പറന്ന് ഒറ്റക്കൈ കൊണ്ട് പന്ത് കൈപ്പിടിയിലൊതുക്കുകയായിരുന്നു. ആ ഡൈവ് കണ്ട് എല്ലാവരും അമ്പരന്നുപോയ നിമിഷമായിരുന്നു അത്.
Content Highlights: Rohit Sharma executed a brilliant run-out to dismiss Daryl Mitchell., Virat Kohli took a stunning one-handed diving catch at second slip to dismiss Nathan Smith., Both senior players displayed exceptional fitness and fielding skills against New Zealand in Auckland.
Published: 04 Nov 2026, 03:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented