
ലഖ്നൗ: ലോകക്രിക്കറ്റിലെ മികച്ച ഫീൽഡർമാരിൽ ഒരാളാണ് ഇന്ത്യൻ താരമായിരുന്ന മുഹമ്മദ് കൈഫ്. ഇന്ത്യയുടെ ജോണ്ടി റോഡ്സ് എന്ന് അറിയപ്പെട്ടിരുന്ന കൈഫ് പല മത്സരങ്ങളിലും നിർണായക ക്യാച്ചുകളെടുത്തു. അസ്ഹറുദ്ദീനും റോബിൻ സിങ്ങിനും അജയ് ജഡേജയ്ക്കും ശേഷം ഇന്ത്യൻ ഫീൽഡിങ്ങിന്റെ നട്ടെല്ലായിരുന്നു ഈ ഉത്തർ പ്രദേശുകാരൻ. എന്നാൽ ഒരു ഘട്ടത്തിൽ ഫോം നഷ്ടമായി കൈഫ് ടീമിൽ നിന്ന് പുറത്തായി.
കൈഫിന്റെ മികച്ച ഫീൽഡിങ്ങുകൾക്ക് നാം പലതവണ സാക്ഷിയായിട്ടുണ്ട്. എന്നാൽ 2004-ൽ പാകിസ്താൻ പര്യടനത്തിലെ ക്യാച്ച് ക്രിക്കറ്റ് പ്രേമികൾക്ക് എക്കാലവും പ്രിയപ്പെട്ടതാണ്. പാക് താരം ഷുഐബ് മാലിക്കിന്റെ ഷോട്ട് ദൂരെനിന്നും ഓടിവന്ന് പറന്നുവീണാണ് കൈഫ് കൈപ്പിടിയിലൊതുക്കിയത്. കാണികളെല്ലാം അമ്പരപ്പോടെ ആ ക്യാച്ച് നോക്കിനിന്നു. അന്ന് ആ പന്ത് പിടിക്കാനായി കൈഫിനൊപ്പം ഹേമങ് ബദാനിയും ഓടിവന്നിരുന്നു. എന്നാൽ ബദാനിയെ മറികടന്ന് കൈഫ് പന്ത് വിദഗ്ദ്ധമായി ക്യാച്ച് ചെയ്യുകയായിരുന്നു. അന്ന് ബദാനിയുടെ തലയിൽ കൈഫിന്റെ കാൽ ഇടിക്കേണ്ടതായിരുന്നു. ഭാഗ്യത്തിനാണ് ബദാനി പരിക്കേൽക്കാതെ രക്ഷപ്പെട്ടത്.
വർഷങ്ങൾക്കുശേഷം ആ ക്യാച്ചിന്റെ ഓർമകൾ പങ്കുവെച്ചിരിക്കുകയാണ് കൈഫ്. ആ ക്യാച്ചിന്റെ വീഡിയോ ട്വീറ്റ് ചെയ്ത കൈഫ് ബദാനിയോട് ക്ഷമാപണം നടത്തുകയും ചെയ്തു. 'യുവത്വത്തിന്റെ നിർഭയത്വം അസാധ്യമായതിനെ ഇരുകൈകളും കൊണ്ട് പിന്തുടർന്ന് പിടിക്കുന്നതിലേക്ക് നയിക്കുന്നു.' വീഡിയോയ്ക്കൊപ്പമുള്ള കുറിപ്പിൽ കൈഫ് പറയുന്നു.
Fearlessness of youth makes you chase the impossible and grab it with both hands. Oops sorry Badani bhai. pic.twitter.com/Yn3yxJ1JEK
— Mohammad Kaif (@MohammadKaif) July 25, 2020
Published: 26 Jul 2020, 04:23 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented