ക്രൈസ്റ്റ്ചർച്ച്: ന്യൂസീലൻഡിനെതിരായ ആദ്യ ട്വന്റി 20യിൽ ബെവോൺ ജേക്കബ്‌സിനെ ഇന്ത്യൻ പേസർ അർഷദീപ് റണ്ണൗട്ടാക്കിയ വീഡിയോ സോഷ്യൽ മീഡിയയിൽ വൈറലാകുന്നു. ഫുട്‌ബോളിലുള്ള തന്റെ മികവ് പുറത്തെടുത്താണ് അർഷദീപ് ബെവോണിനെ ഔട്ടാക്കിയത്.

To advertise here,

ഗ്ലെൻ ഫിലിപ്‌സും ബെവോണും ഒരു സിംഗിൾ എടുക്കാൻ ശ്രമിക്കുന്നതിനിടെയായിരുന്നു ഈ റൺഔട്ട്. പന്ത് കൈയിലെടുത്ത് എറിയുന്നതിന് പകരം അർഷദീപ് സ്റ്റമ്പിലേക്ക് കാൽ കൊണ്ട് തട്ടിയിടുകയായിരുന്നു.

18-ാം ഓവറിലെ ഈ റൺഔട്ട് മത്സരത്തിന്റെ ഗതി നിർണയിക്കുന്നതിൽ നിർണായകമായി. ഗ്ലെൻ ഫിലിപ്‌സും ബെവോണും ചേർന്ന് 73 റൺസ് കൂട്ടുകെട്ടുമായി മികച്ച ഫോമിൽ മുന്നേറുകയായിരുന്നു. 16 പന്തിൽ 31 റൺസെടുത്ത് നിൽക്കെയാണ് ബെവോണിനെ പുറത്താക്കി അർഷദീപ് ഈ കൂട്ടുകെട്ട് പൊളിച്ചത്.

ബെവോൺ പുറത്തായതിനുശേഷം ക്രീസിലെത്തിയ പുതിയ ബാറ്ററായ മൈക്കൾ ബ്രേസ്വെലിന് അതേ രീതിയിൽ വേഗത്തിൽ സ്‌കോർ ചെയ്യാൻ കഴിഞ്ഞില്ല. അദ്ദേഹം ആറു പന്തിൽ ഏഴ് റൺസ് മാത്രമാണ് നേടിയത്.