ട്രെന്റ് ബ്രിഡ്ജ്: ടെസ്റ്റ് ക്രിക്കറ്റില്‍ സമാനതകളില്ലാത്ത നേട്ടവുമായി ഇംഗ്ലണ്ടിന്റെ എക്കാലത്തെയും മികച്ച പേസ് ബൗളര്‍ ജെയിംസ് ആന്‍ഡേഴ്‌സണ്‍. ടെസ്റ്റ് ക്രിക്കറ്റില്‍ 650 വിക്കറ്റ് നേടുന്ന ആദ്യ പേസ് ബൗളര്‍ എന്ന റെക്കോഡാണ് ആന്‍ഡേഴ്‌സണ്‍ സ്വന്തം പേരില്‍ കുറിച്ചത്.
ന്യൂസീലന്‍ഡിനെതിരായ രണ്ടാം ക്രിക്കറ്റ് ടെസ്റ്റിനിടെയാണ് ആന്‍ഡേഴ്‌സണ്‍ ഈ റെക്കോഡ് സ്വന്തമാക്കിയത്. ന്യൂസീലന്‍ഡിന്റെ രണ്ടാം ഇന്നിങ്‌സില്‍ ഓപ്പണറും നായകനുമായ ടോം ലാഥത്തിന്റെ വിക്കറ്റെടുത്ത് ആന്‍ഡേഴ്‌സണ്‍ 650 ക്ലബ്ബിലിടം നേടി.
ടെസ്റ്റ് ക്രിക്കറ്റില്‍ 650 വിക്കറ്റ് നേടുന്ന മൂന്നാമത്തെ മാത്രം ബൗളറാണ് ആന്‍ഡേഴ്‌സണ്‍. ഓസ്‌ട്രേലിയയുടെ ഷെയ്ന്‍ വോണ്‍, ശ്രീലങ്കയുടെ മുത്തയ്യ മുരളീധരന്‍ എന്നിവരാണ് ഈ നേട്ടം മുന്‍പ് സ്വന്തമാക്കിയവര്‍. ഇരുവരും സ്പിന്നര്‍മാരാണ്. എന്നാല്‍ ഒരു ഫാസ്റ്റ് ബൗളര്‍ ഈ നേട്ടം സ്വന്തമാക്കുമ്പോള്‍ അത്ഭുതം എന്ന് മാത്രമേ ക്രിക്കറ്റ് ലോകത്തിന് പറയാനുള്ളൂ. 39 കാരനായ ആന്‍ഡേഴ്‌സണ്‍ ഈ പ്രായത്തിലും ഇംഗ്ലണ്ടിന്റെ ബൗളിങ് കുന്തമുനയാണ്.
രണ്ടാം ടെസ്റ്റിന്റ ആദ്യ ഇന്നിങ്‌സില്‍ ന്യൂസീലന്‍ഡ് 553 റണ്‍സെടുത്തപ്പോള്‍ മറുപടി ബാറ്റിങ്ങില്‍ ഇംഗ്ലണ്ട് 539 റണ്‍സ് സ്വന്തമാക്കി. ആദ്യ ടെസ്റ്റില്‍ ആതിഥേയരായ ഇംഗ്ലണ്ടാണ് വിജയം നേടിയത്.
Content Highlights: james anderson, england vs new zealand, highest wicket taker in test, cricket news, anderson 650
Published: 13 Jun 2022, 07:53 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented