
സിഡ്നി: ഇന്ത്യന് താരം മുഹമ്മദ് സിറാജിനോട് മോശമായി പെരുമാറിയ ആറ് ഓസ്ട്രേലിയന് ആരാധകരെ സിഡ്നി ക്രിക്കറ്റ് മൈതാനത്ത് നിന്ന് പുറത്താക്കി.
മൂന്നാം ടെസ്റ്റിന്റെ നാലാം ദിനത്തിലാണ് സിറാജിന് വീണ്ടും മോശം അനുഭവം ഉണ്ടായത്. മൂന്നാം ദിനത്തില് സിറാജിനും ജസ്പ്രീത് ബുംറയ്ക്കുമെതിരേ കാണികളില് നിന്ന് വംശീയാധിക്ഷേപം ഉണ്ടായതായി ഇന്ത്യ പരാതി നല്കിയതിന് തൊട്ടടുത്ത ദിവസമാണ് വീണ്ടും അത്തരത്തിലുള്ള സാഹചര്യമുണ്ടായിരിക്കുന്നത്.
നാലാം ദിനം കാമറൂണ് ഗ്രീനിനെതിരേ പന്തെറിഞ്ഞ് ബൗണ്ടറി ലൈനിനടുത്ത് ഫീല്ഡ് ചെയ്യാന് എത്തിയപ്പോഴാണ് സിറാജിന് നേരെ കാണികളില് ചിലര് മോശമായി പെരുമാറിയത്.
സിറാജ് അറിയിച്ചതിനെ തുടര്ന്ന് വിഷയത്തില് ഇടപെട്ട ക്യാപ്റ്റന് അജിങ്ക്യ രഹാനെ ഇക്കാര്യം ഓള്ഫീല്ഡ് അമ്പയര്മാരെ അറിയിക്കുകയും ചെയ്തു.
ഏതാനും സമയയം മത്സരം തടസപ്പെടുകയും ചെയ്തു. വിഷയത്തില് ഇടപെട്ട സുരക്ഷാ ഉദ്യോഗസ്ഥര് ആറ് കാണികളെ സ്റ്റേഡിയത്തില് നിന്ന് പുറത്താക്കുകയായിരുന്നു.
നേരത്തെ മൂന്നാം ദിനത്തിലെ സംഭവത്തില് ഇന്ത്യന് ക്രിക്കറ്റ് ടീം മാച്ച് റഫറി ഡേവിഡ് ബൂണിന് ഔദ്യോഗികമായി പരാതി നല്കിയിരുന്നു.
Content Highlights: 6 fans removed from SCG after Mohammed Siraj complains of another misbehaviour
Published: 10 Jan 2021, 11:31 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented