സാധാരണ ഒരു മാസംകൊണ്ട് സാധിക്കുന്നതിലുപരി നന്മയും ആത്മീയപ്രഭാവവും റംസാന് പകര്ന്നുനല്കുന്നു. റംസാന് ഇത്രയേറെ മഹത്ത്വം കിട്ടിയതിന്റെ കാരണങ്ങള് പലതാണ്. വിശുദ്ധ ഖുര്ആനിന്റെ അവതരണമാണതില് പ്രധാനം. മറ്റൊന്നാണ് വ്രതാനുഷ്ഠാനം. നോമ്പ് വിശ്വാസികള്ക്ക് നിര്ബന്ധമാണ്. നോമ്പനുഷ്ഠിക്കുന്നതിനുള്ള കാലം നിര്ണയിച്ചപ്പോള് അതിന്റെ പ്രത്യേകതകൂടി അല്ലാഹു എടുത്തുപറയുന്നു: ''ജനങ്ങള്ക്ക് മാര്ഗദര്ശനമായും സന്മാര്ഗത്തിനും സത്യാസത്യ വിവേചനത്തിനുമുള്ള തെളിവുകളായും വിശുദ്ധ ഖുര്ആന് അവതരിപ്പിക്കപ്പെട്ട മാസമാണ് റംസാന്. അതിനാല് അതില് സാധ്യമുള്ളവര് നോമ്പനുഷ്ഠിക്കട്ടെ''.
ഖുര്ആന് അവതരിപ്പിക്കപ്പെട്ടതോടെ റംസാനിന്റെ പവിത്രതയും പ്രധാന്യവുമേറി. നബിയോട് ഒരാള് ചോദിച്ചു: ''അല്ലാഹുവിന്റെ ദൂതരേ, ഞാന് സത്യം വിശ്വസിക്കുകയും സക്കാത്ത് നല്കുകയും അഞ്ചുനേരം നമസ്കരിക്കുകയും റംസാന് നോമ്പനുഷ്ഠിക്കുകയും റംസാനിലെ നിസ്കാരം നിര്വഹിക്കുകയും ചെയ്താല് ഞാന് ആരില്പ്പെട്ടവനാകും?'' നബി പറഞ്ഞു: ''രക്തസാക്ഷികളിലും പുണ്യവാന്മാരിലും''.
വിശ്വാസിയെ സംബന്ധിച്ചിടത്തോളം വളരെ പ്രധാനമാണ് പാപമോചനം. പാപക്കറ പുരളാനേറെ സാധ്യതയുള്ള സാഹചര്യമാണിന്നുള്ളത്. അങ്ങനെ സംഭവിച്ചാല് അതില്നിന്ന് രക്ഷപ്പെടാനും ശുദ്ധീകരിക്കാനുമുള്ള അവസരംവേണം. റംസാനില് പാപം പൊറുക്കപ്പെടുമെന്നുമാത്രമല്ല, ആ അവസരം നഷ്ടപ്പെടുത്തുന്നതിനെക്കുറിച്ച് മുന്നറിയിപ്പ് നല്കപ്പെട്ടിട്ടുമുണ്ട്.
Content Highlights: ramadan thoughts by mohammed saeed aslahi mannani
Published: 24 Mar 2025, 07:46 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented