തിരുവനന്തപുരം: നാവികസേനയുടെ യുദ്ധക്കപ്പൽ അര്‍ണാലയുടെ പ്രധാന ഭാഗങ്ങൾ നിർമിച്ചതിൽ സംസ്ഥാന വ്യവസായ വകുപ്പിനു കീഴിലുള്ള കെല്‍ട്രോണിനും സുപ്രധാന പങ്ക്. കപ്പലിനായി ഉപയോഗിച്ച ലോഗ് (വേഗം അളയ്ക്കുന്ന ഉപകരണം), എക്കോ സൗണ്ടര്‍ (ആഴം അളയ്ക്കുന്ന ഉപകരണം), അണ്ടര്‍ വാട്ടര്‍ കമ്യൂണിക്കേഷന്‍ സിസ്റ്റം, പവര്‍ ആംപ്ലിഫയര്‍ എന്നിവ നിര്‍മിച്ചത് കെല്‍ട്രോണാണ്.
കൂടാതെ, ഭാരത് ഇലക്ട്രോണിക്‌സ് വഴി കുറ്റിപ്പുറത്തെ കെല്‍ട്രോണ്‍ ഇലക്ട്രോസെറാമിക്‌സ് ലിമിറ്റഡ് സോണാര്‍ സെൻസറുകളും നിർമിച്ചുനൽകിയിരുന്നു. ലോഗിന്റെയും എക്കോ സൗണ്ടറിന്റെയും ഓര്‍ഡര്‍ നേരിട്ട് കെല്‍ട്രോണിന് നല്‍കുകയായിരുന്നു. അണ്ടര്‍ വാട്ടര്‍ കമ്യൂണിക്കേഷന്‍ സിസ്റ്റം, പവര്‍ ആംപ്ലിഫയര്‍, സോണാര്‍ സെന്‍സര്‍ എന്നിവയുടെ ഓര്‍ഡര്‍ നല്‍കിയത് ഭാരത് ഇലക്ട്രോണിക്‌സ് ലിമിറ്റഡാണ്.
ആത്മനിര്‍ഭര്‍ ഭാരത് മിഷന്റെ ഭാഗമായി തദ്ദേശീയമായി നിര്‍മിച്ച ഈ വലിയ നാവിക യുദ്ധക്കപ്പല്‍ ശത്രു അന്തര്‍വാഹിനികളെ കണ്ടെത്താനും അതിനെ നശിപ്പിക്കാനും കഴിയുന്നതാണ്. ഗാര്‍ഡന്‍ റീച്ച് ഷിപ്ബില്‍ഡേഴ്‌സ് ആന്‍ഡ് എന്‍ജിനീയേഴ്‌സ് (ജിആര്‍എസ്ഇ) ആണ് കപ്പല്‍ നിര്‍മിച്ച് മേയ് എട്ടിന് നാവികസേനയ്ക്ക് കൈമാറിയത്. മൈനുകളെ കണ്ടെത്താനും നിര്‍വീര്യമാക്കാനും ഇതുവഴി സാധ്യമാകും. ഇന്ത്യന്‍ നാവികസേനയുടെ ഈ യുദ്ധക്കപ്പല്‍ ഓപ്പറേഷന്‍ സിന്ദൂറില്‍ എന്തിനും സജ്ജമായിയിരുന്നു.
Content Highlights: keltrons role in op sindoor arnala warship parts making
Published: 14 May 2025, 06:56 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented