കോതമംഗലം : സംസ്ഥാന സ്‌കൂള്‍ കായികമേളയിലെ നീന്തലില്‍ ആദ്യ ദിനം ഏഴ് റെക്കോഡ്. ഏഴില്‍ നാലും പെണ്‍കുട്ടികളാണ് നീന്തിയെടുത്തത്. ആറ് റെക്കോഡും തിരുവനന്തപുരം ജില്ല നേടി. സബ് ജൂനിയര്‍ പെണ്‍കുട്ടികളുടെ 200 മീറ്റര്‍ ബ്രസ്റ്റ് സ്ട്രോക്കില് തിരുവനന്തപുരം വെഞ്ഞാറമൂട് ഗവ. എച്ച്.എസ്.എസിലെ ആര്‍.ബി. ഭാഗ്യ കൃഷ്ണ (മൂന്നുമിനിറ്റ് 12.36 െസക്കന്‍ഡ്),
ജൂനിയര്‍ ആണ്‍കുട്ടികളുടെ 400 മീറ്റര്‍ ഫ്രീസ്‌റ്റൈലില്‍ തിരുവനന്തപുരം തുണ്ടത്തില്‍ എം.വി.എച്ച്.എസ്.എസിലെ തീര്‍ഥ സാമദേവ് (നാലുമിനിറ്റ് 19.76 സെക്കന്‍ഡ്), ജൂനിയര്‍ ആണ്‍കുട്ടികളുടെ 50 മീറ്റര്‍ ബട്ടര്‍ഫ്‌ളൈ സ്ട്രോക്കില് തിരുവനന്തപുരം തുണ്ടത്തില്‍ എം.വി.എച്ച്.എസ്.എസിലെ ആദിദേവ് പി. പ്രദീപ് (27.80 സെ.) എന്നിവര്‍ റെക്കോഡിട്ടു. ജൂനിയര്‍ പെണ്‍കുട്ടികളുടെ 100 മീറ്റര്‍ ബാക്ക് സ്ട്രോക്കില് കോഴിക്കോട് പ്രൊവിഡന്‍സ് ഗേള്‍സ് എച്ച്.എസ്.എസിലെ കെ. ദേവികയും (ഒരു മിനിറ്റ് 15.19 സെ.) ജൂനിയര്‍ പെണ്‍കുട്ടികളുടെ 200 മീറ്റര്‍ ബ്രസ്റ്റ് സ്ട്രോക്കില് തിരുവനന്തപുരം തുണ്ടത്തില്‍ എം.വി.എച്ച്.എസ്.എസിലെ നടകുടിദി പാവണി സരയൂവും (മൂന്നുമിനിറ്റ് 5.25 സെക്കന്‍ഡ്) റെക്കോഡിട്ടു.
ജൂനിയര്‍ പെണ്‍കുട്ടികളുടെ 50 മീറ്റര്‍ ബട്ടര്‍ഫ്‌ലൈ സ്ട്രോക്കില് തിരുവനന്തപുരം വെഞ്ഞാറമൂട് ഗവണ്‍മെന്റ് എച്ച്.എസ്.എസിലെ ആര്‍. വിദ്യാലക്ഷ്മി (31.72 സെക്കന്‍ഡ്) റെക്കോഡിട്ടു. സീനിയര്‍ ആണ്‍കുട്ടികളുടെ 100 മീറ്റര്‍ ബാക്ക് സ്ട്രോക്കില് തിരുവനന്തപുരം തുണ്ടത്തില്‍ എം.വി.എച്ച്.എസ്.എസിലെ എസ്. അഭിനവ് (ഒരു മിനിറ്റ് 2.27 സെക്കന്‍ഡ്) റെക്കോഡിട്ടു.
Content Highlights: Seven new records were set on the first day of the Kerala School Games swimming competition
Published: 06 Nov 2024, 07:56 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented