തിരുവനന്തപുരം: രാജ്യാന്തര ചലച്ചിത്രമേളയിൽ ലോക സിനിമയിലെ 42 ചിത്രങ്ങള്‍ ഉള്‍പ്പടെ 67 സിനിമകള്‍ വ്യാഴാഴ്ച പ്രദര്‍ശിപ്പിക്കും. എല്ലാ ചിത്രങ്ങളുടെയും അവസാന പ്രദർശനത്തിനാണ് 15 സ്ക്രീനുകൾ വേദിയാകുന്നത്. 

To advertise here,

യുദ്ധം സമാധാനം കെടുത്തിയ അഫ്‌ഗാൻ ജനതയുടെ ജീവിത സാഹചര്യങ്ങൾ ചിത്രീകരിക്കുന്ന ഓപ്പിയം വാർ, ഇറ്റാലിയൻ ചിത്രമായ ദി മിറക്കിൾ ചൈൽഡ്, വെറ്റ് സാൻഡ്, കമ്പാർട്ട് മെന്റ് നമ്പര്‍ 6, ത്രീ സ്‌ട്രേഞ്ചഴ്‌സ്, മെമ്മോറിയ, സാങ്‌റ്റോറം തുടങ്ങിയ ചിത്രങ്ങൾ ഇന്ന് ലോകസിനിമാ വിഭാഗത്തിലുണ്ട്. നിഷിദ്ധോ, നിറയെ തത്തകളുള്ള മരം, പ്രാപ്പെട, ആർക്കറിയാം, എന്നിവർ, കള്ളനോട്ടം എന്നീ മലയാള ചിത്രങ്ങളുടെ പ്രദർശനവും ഇന്നുണ്ടാകും.

ലൈംഗികാതിക്രമത്തിന് ഇരയാക്കപ്പെടുന്ന സ്ത്രീ ഇന്ത്യൻ സാഹചര്യങ്ങളിൽ നേരിടേണ്ടിവരുന്ന എതിർപ്പുകളെയും അ‌തിനെതിരെ അ‌വർ നടത്തുന്ന പോരാട്ടങ്ങളുടെയും കഥ പറയുന്ന റെയ്പ്പിസ്റ്റിന്റെ പ്രത്യേക പ്രദർശനവും വ്യാഴാഴ്ചയുണ്ട്. നിശാഗന്ധി ഓപ്പൺ ഓഡിറ്റോറിയത്തിൽ രാത്രി പന്ത്രണ്ടിനാണ് പ്രദർശനം.