
ബെയ്ജിങ്: മനുഷ്യപരിണാമത്തിലെ പുതിയ കണ്ണിയാകാൻ ഇടയുള്ള ഫോസിൽ ചൈനയിൽ കണ്ടെത്തി. മൂന്നുലക്ഷം വർഷമാണ് പഴക്കം. താടിയെല്ലുണ്ടെങ്കിലും താടിയില്ല എന്നതാണ് കിഴക്കൻ ചൈനീസ് പ്രവിശ്യയായ അൻഹുയിയിൽനിന്നു ലഭിച്ച ഫോസിലിന്റെ സവിശേഷത.
പുരാതന മനുഷ്യന്റെയും ആധുനികമനുഷ്യന്റെയും സവിശേഷതകൾ സംയോജിച്ച ഈ താടിയെല്ല് ശാസ്ത്രലോകത്തിന് അജ്ഞാതമായ മനുഷ്യവർഗത്തിന്റേതായിരിക്കുമെന്നു കരുതുന്നു. പരിണാമവൃക്ഷത്തിലെ ഒട്ടേറെ മനുഷ്യമാതൃകകളുമായി താരതമ്യം ചെയ്താണ് ഈ അനുമാനം. നിയാണ്ടർത്താലുകൾ, ഹോമോ സാപ്പിയൻസ്, ഹോമോ ഇറക്ടസ് എന്നിവയുടേതുൾപ്പെടെ 83 താടിയെല്ലുകളുമായാണ് താരതമ്യം ചെയ്തത്. ബെയ്ജിങ്ങിലെ ഇൻസ്റ്റിറ്റ്യൂട്ട് ഒാഫ് വെർടിബ്രേറ്റ് പാലിയന്റോളജി ആൻഡ് പാലിയോ ആന്ത്രോപോളജിയിലെ ഗവേഷകയായ സിയുജി വുവും സംഘവുമാണ് പഠനത്തിനുപിന്നിൽ. 2015-ലാണ് ഹുവാലോങ്ഡോങ് ഗുഹയിൽനിന്ന് 16 ഫോസിലുകൾ കിട്ടിയത്. കൂടുതലും 12-നും 13-നും ഇടയിൽ പ്രായമുള്ള കുട്ടിയുടെ തലയോട്ടിയുടെ ഭാഗങ്ങളായിരുന്നു.
മനുഷ്യകുടുംബവൃക്ഷത്തിൽ എവിടെയാണ് ഹുവാലോങ്ഡോങ് ജനതയുടെ സ്ഥാനം എന്നറിയാൻ കൂടുതൽ പഠനം വേണ്ടിവരും. പഠനം ജേണൽ ഓഫ് ഹ്യൂമൻ എവലൂഷനിൽ പ്രസിദ്ധീകരിച്ചു.
Content Highlights: A new human species? Mystery surrounds 300,000-year-old fossil
Published: 21 Sept 2023, 09:24 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented