അബുദാബി : ഫ്രീസ് അബുദാബി സമകാലിക കലാമേളയുടെ ആദ്യ പതിപ്പ് അബുദാബി കിരീടാവകാശിയും എക്സിക്യുട്ടീവ് കൗൺസിൽ ചെയർമാനുമായ ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ ഉദ്ഘാടനം ചെയ്തു. അബുദാബി സാംസ്കാരിക, വിനോദസഞ്ചാര വകുപ്പും ഫ്രീസ് എന്ന സ്ഥാപനവും സംയുക്തമായാണ് മനാറത്ത് അൽ സാദിയത്തിൽ മേള സംഘടിപ്പിക്കുന്നത്. കല, സംസ്കാരം, സർഗാത്മകത എന്നിവയുടെ ആഗോള കേന്ദ്രമെന്ന നിലയിലെ എമിറേറ്റിന്റെ പ്രാധാന്യത്തെയാണ് ഇത് അടയാളപ്പെടുത്തുന്നത്.
എമിറേറ്റിൽ സാംസ്കാരിക, സർഗാത്മക മേഖലയിൽ നിക്ഷേപം തുടരേണ്ടത് പ്രധാനമാണെന്ന് ശൈഖ് ഖാലിദ് പറഞ്ഞു.
സർഗാത്മകത പ്രോത്സാഹിപ്പിക്കുക, സാമൂഹിക ഇടപെടലുകൾ ശക്തമാക്കുന്നതിൽ കലയുടെയും സംസ്കാരത്തിന്റെയും പങ്ക് വർധിപ്പിക്കുക എന്നിവയാണ് മേള ലക്ഷ്യമിടുന്നത്.
കലാകാരന്മാർ, ഗാലറികൾ, സാംസ്കാരിക സ്ഥാപനങ്ങൾ എന്നിവ തമ്മിലുള്ള സഹകരണത്തിന് പുതുവഴികൾ തുറന്നുനൽകുന്നതിനൊപ്പം എമിറേറ്റിന്റെ കലാമേഖലയും ആഗോളവിപണിയും തമ്മിലുള്ള ബന്ധം ദൃഢമാക്കുന്നതിനും നിർണായക പങ്കുവഹിക്കുമെന്നാണ് വിലയിരുത്തൽ. മേള ഞായറാഴ്ചവരെ തുടരും.
Published: 22 Nov 2026, 01:27 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented