ദുബായ്: ടാക്സി യാത്രയ്ക്കിടെ മറന്നുവെച്ച വസ്തുക്കള്‍ ഉടമസ്ഥനെ തിരികെയേല്‍പ്പിച്ച ഡ്രൈവറായ ദീപക് കുമാര്‍ സിങ്ങിനെ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ.) ആദരിച്ചു. ആര്‍.ടി.എ. ചെയര്‍മാന്‍ മത്തര്‍ അല്‍ തായര്‍ ദീപകിന് പ്രശസ്തിപത്രം സമ്മാനിച്ചു.
എമിറേറ്റിലെ പൊതുഗതാഗത സംവിധാനങ്ങളില്‍ ജനങ്ങളുടെ വിശ്വാസം വര്‍ധിപ്പിക്കുന്ന മാതൃകാപരമായ പ്രവൃത്തിയാണ് ദീപക് ചെയ്തതെന്നും അതില്‍ അതോറിറ്റി അഭിമാനിക്കുന്നുവെന്നും അല്‍ തായര്‍ പറഞ്ഞു. ജോലിയില്‍ മികച്ചപ്രകടനം കാഴ്ചവെക്കുന്ന ഡ്രൈവര്‍മാരെ പതിവായി ആര്‍.ടി.എ.യും പോലീസും ആദരിക്കാറുണ്ട്. അടുത്തിടെ അല്‍ വാസല്‍ സ്ട്രീറ്റിലെ ഗതാഗത സിഗ്‌നലിലെ ലൈറ്റിന്റെ തകരാര്‍ പരിഹരിച്ച ഡെലിവറി ഡ്രൈവറെയും അല്‍ തായര്‍ ആദരിച്ചിരുന്നു.
യാത്രയ്ക്കിടെ മറന്നുവെച്ച 10 ലക്ഷം ദിര്‍ഹം മൂല്യമുള്ള വസ്തുക്കള്‍ ഉടമസ്ഥന് തിരികെനല്‍കിയ ടാക്സി ഡ്രൈവറെ ദുബായ് പോലീസും ആദരിച്ചിട്ടുണ്ട്. നിയമനിര്‍വഹണത്തിന് വിലപ്പെട്ട സംഭാവനകള്‍ നല്‍കാന്‍ പൗരന്മാരെയും താമസക്കാരെയും പ്രോത്സാഹിപ്പിക്കാനാണ് ഇത്തരം ചടങ്ങുകള്‍ സംഘടിപ്പിക്കുന്നത്.
Content Highlights: Dubai Taxi Driver Honored for RTA
Published: 30 Oct 2024, 11:24 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented