ഡബ്ലിന്‍: കൗണ്ടി വെക്സ്ഫോര്‍ഡിലെ മലയാളി വ്യവസായി പാലാ ഭരണങ്ങാനം ചിറ്റാനപ്പാറ സ്വദേശി ബിജു വരവുങ്കല്‍ ശ്രീധരന്‍ (53) ഹൃദയാഘാതത്തെത്തുടര്‍ന്ന് മരിച്ചു. ഹോളി ഗ്രെയ്ല്‍ റെസ്റ്റോറന്റ് ശൃംഖലയുടെ സ്ഥാപകനാണ്. ജിംനേഷ്യത്തില്‍ പതിവ് പരിശീലനം നടത്തി വീട്ടിലെത്തിയ ഉടനെ ഹൃദയാഘാതം സംഭവിക്കുകയായിരുന്നു. എമര്‍ജന്‍സി മെഡിക്കല്‍ ടീം എത്തിയെങ്കിലും ജീവന്‍ രക്ഷിക്കാനായില്ല. മൃതദേഹം വാട്ടര്‍ഫോര്‍ഡ് ഹോസ്പിറ്റലിലേക്ക് മാറ്റി. ഭാര്യ ബിന്ദു. മക്കള്‍: അശ്വിന്‍, അര്‍ച്ചന
ഇന്ത്യയില്‍ താജ് ഗ്രൂപ്പിലും സൗദി അറേബ്യയില്‍ ഹയാത്ത് ഗ്രൂപ്പിലും ഷെഫായിരുന്ന ബിജു 2002 ലാണ് അയര്‍ലന്‍ഡില്‍ എത്തിയത്. എന്‍ 11 റസ്റ്റോറന്റില്‍ പ്രവര്‍ത്തിച്ച ശേഷം 2009 ല്‍ ഹോളി ഗ്രെയ്ല്‍ റസ്റ്റോറന്റിന് തുടക്കം കുറിച്ചു. ചുരുങ്ങിയ കാലത്തിനുള്ളില്‍ ഹോളി ഗ്രെയ്ല്‍ അഞ്ച് റസ്റ്റോറന്റുകളുടെ ശൃംഖലയായി മാറി.
സംസ്‌കാരം പിന്നീട് നാട്ടില്‍ നടക്കും.
Content Highlights: Irish Malayali Businessman Biju Varavunkal Passes Away
Published: 05 Nov 2025, 09:53 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented