ഡബ്ലിന്‍: ബ്രിട്ടണിലെ ഇന്ത്യന്‍ ഹൈക്കമ്മീഷന്റെ ആഭിമുഖ്യത്തില്‍ നോര്‍ത്തേണ്‍ അയര്‍ലന്‍ഡിലെ ബെല്‍ഫാസ്റ്റില്‍ ഇന്ത്യന്‍ കോണ്‍സുലേറ്റ് തുറക്കും. മാര്‍ച്ച് 3 മുതല്‍ 9 വരെ യുകെയും അയര്‍ലന്‍ഡും സന്ദര്‍ശിക്കാന്‍ എത്തുന്ന ഇന്ത്യന്‍ വിദേശകാര്യമന്ത്രി എസ്.ജയശങ്കര്‍ കോണ്‍സുലേറ്റ് ഉദ്ഘാടനം ചെയ്യും. ഇന്ത്യന്‍ ഹൈക്കമ്മീഷണര്‍ വിക്രം കെ.ദൊരൈസ്വാമി, ഡെപ്യൂട്ടി ഹൈക്കമ്മീഷണര്‍ സുജിത് ഘോഷ്, അയര്‍ലന്‍ഡിലെ ഇന്ത്യന്‍ അംബാസഡര്‍ അഖിലേഷ് മിശ്ര തുടങ്ങി നിരവധി പ്രമുഖര്‍ ചടങ്ങില്‍ പങ്കെടുക്കും.
ബെല്‍ഫാസ്റ്റില്‍ പുതിയ കോണ്‍സുലേറ്റ് പ്രവര്‍ത്തനമാരംഭിക്കുന്നതോടെ നോര്‍ത്തേണ്‍ അയര്‍ലന്‍ഡിലെ മലയാളികള്‍ ഉള്‍പ്പടെയുള്ള ഇന്ത്യക്കാരുടെ ദീര്‍ഘകാല ആവശ്യം യാഥാര്‍ത്ഥ്യമാകും. ഇപ്പോള്‍ ഇവര്‍ കോണ്‍സുലാര്‍ സേവനങ്ങള്‍ക്കായി വിഎഫ്എസിനെയൊ ലണ്ടനിലെ ഇന്ത്യന്‍ ഹൈക്കമ്മീഷനെയൊ ആശ്രയിക്കണം.
നിലവില്‍ മെയിന്‍ലാന്‍ഡ് യുകെയിലെ ബിര്‍മിംഗ്ഹാമിലും എഡിന്‍ബറോയിലുമാണ് ഇന്ത്യന്‍ കോണ്‍സുലേറ്റുകള്‍ പ്രവര്‍ത്തിക്കുന്നത്. കൂടാതെ കാര്‍ഡിഫിലും ന്യൂകാസിലിലും ബെല്‍ഫാസ്റ്റിലും ഓണററി കോണ്‍സല്‍മാരുമുണ്ട്.
Content Highlights: Indian Consulate to open in Belfast
Published: 21 Feb 2025, 02:55 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented