മനാമ: ബഹ്റൈനിലെ ഏഷ്യന്‍ സ്‌കൂള്‍ 42-ാമത് വാര്‍ഷിക ദിനം അഭിമാനത്തോടെയും ആവേശത്തോടെയും ആഘോഷിച്ചു. ചടങ്ങില്‍ വിശിഷ്ടാതിഥികളായി വിദ്യാഭ്യാസ മന്ത്രാലയത്തിലെ ലൈസന്‍സിംഗ് ആന്‍ഡ് ഫോളോ-അപ്പ് വകുപ്പ് ഡയറക്ടര്‍ ലുല്‍വ ഗസ്സാന്‍ അല്‍മുഹാനയും ബഹ്റൈന്‍ സര്‍വകലാശാലയിലെ കോളേജ് ഓഫ് ഇന്‍ഫര്‍മേഷന്‍ ടെക്നോളജി ഡീന്‍ ഡോ.മാസന്‍ മുഹമ്മദ് അലിയും മുഖ്യാതിഥികളായി പങ്കെടുത്തു. സ്‌കൂള്‍ ഡയറക്ടര്‍ ലവി ജോസഫിന്റെ സ്വാഗത പ്രസംഗത്തോടെയാണ് പരിപാടി ആരംഭിച്ചത്. തുടര്‍ന്ന് സ്‌കൂളിന്റെ ഈ വര്‍ഷത്തെ പ്രധാന അക്കാദമിക് നേട്ടങ്ങള്‍ പ്രിന്‍സിപ്പല്‍ മോളി മാമ്മന്‍ അവതരിപ്പിച്ചു.
അക്കാദമിക്, കായികം, സാംസ്‌കാരിക പരിപാടികള്‍ എന്നിവയില്‍ മികച്ച പ്രകടനം കാഴ്ചവച്ചവരെ ആദരിക്കുന്ന സമ്മാന വിതരണ ചടങ്ങായിരുന്നു പ്രധാന ആകര്‍ഷണം. ജൂനിയര്‍, സീനിയര്‍ വിഭാഗങ്ങളില്‍ നിന്നുള്ള കലാശിരോമണി, കലാ പ്രതിഭ വിജയികള്‍ക്ക് അവാര്‍ഡുകളും വ്യക്തിഗത, ഓവറോള്‍ സ്‌പോര്‍ട്‌സ് ചാമ്പ്യന്മാര്‍ക്കുള്ള ട്രോഫികളും വിതരണം ചെയ്തു. 10 വര്‍ഷം സേവനം പൂര്‍ത്തിയാക്കിയ എട്ട് അധ്യാപകരെയും 35 വര്‍ഷം സേവനം പൂര്‍ത്തിയാക്കിയ അധ്യാപകനെയും ആദരിച്ചുകൊണ്ട് സ്‌കൂള്‍ ജീവനക്കാരുടെ പ്രതിബദ്ധതയെ അംഗീകരിച്ചു. 2024 അധ്യയന വര്‍ഷത്തില്‍ പ്രിന്‍സിപ്പലിന്റെ ഓണര്‍ ലിസ്റ്റില്‍ ഇടം നേടിയ വിദ്യാര്‍ത്ഥികള്‍ക്ക് അക്കാദമിക് എക്‌സലന്‍സ് സര്‍ട്ടിഫിക്കറ്റുകളും നല്‍കി. മികച്ച പ്രകടനത്തിനും അചഞ്ചലമായ ടീം സ്പിരിറ്റിനും അഭിമാനത്തോടെ ചാമ്പ്യന്‍ഷിപ്പ് ഷീല്‍ഡ് ലഭിച്ച എമറാള്‍ഡ് ഹൗസ് ഇന്റര്‍-ഹൗസ് സ്‌പോര്‍ട്‌സ് ചാമ്പ്യന്‍ഷിപ്പ് ട്രോഫി നേടി.
ആഘോഷത്തില്‍ സാംസ്‌കാരിക പരിപാടികളും എഎസ്ബി സിംഫണി ഓര്‍ക്കസ്ട്രയുടെയും സ്‌കൂള്‍ ബാന്‍ഡിന്റെയും ശ്രദ്ധേയമായ പ്രകടനവും ഉണ്ടായിരുന്നു. 42-ാമത് വാര്‍ഷിക ദിനം സ്‌കൂളിന്റെ മികവിന്റെ പാരമ്പര്യത്തെയും സമഗ്ര വിദ്യാഭ്യാസത്തോടുള്ള അതിന്റെ സമര്‍പ്പണത്തെയും ഉയര്‍ത്തിക്കാട്ടി.
Content Highlights: Asian School Celebrates 42nd Anniversary
Published: 12 Dec 2025, 11:25 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented