മനാമ: പ്രമേഹ ബോധവത്കരണ മാസാചരണത്തിന്റെ ഭാഗമായി അല്‍ ഹിലാല്‍ ഹെല്‍ത്ത് കെയര്‍ ഗ്രൂപ്പിന്റെ ആഭിമുഖ്യത്തില്‍ 'ഡിഫീറ്റ് ഡയബറ്റിസ് വാക്കത്തണ്‍' സംഘടിപ്പിച്ചു. പ്രമേഹത്തിന്റെയും ആരോഗ്യത്തിന്റെയും പ്രാധാന്യത്തെക്കുറിച്ച് പൊതുജനങ്ങളില്‍ അവബോധമുണ്ടാക്കുക എന്ന ലക്ഷ്യത്തോടെയാണ് സോളിഡാരിറ്റി ബഹ്റൈന്‍, മെഗാ മാര്‍ട്ട് എന്നിവയുടെ സഹകരണത്തോടെ പരിപാടി നടത്തിയത്. അറാദ് ദോഹത്ത് പാര്‍ക്കില്‍ നടന്ന വാക്കത്തണില്‍ ആയിരത്തോളം പേര്‍ പങ്കെടുത്തു.
നാഷണല്‍ ഹെല്‍ത്ത് റഗുലേറ്ററി അതോറിറ്റി സി.ഇ.ഒ ഡോ.മറിയം അത്ബി അല്‍ ജലഹ്‌മ വാക്കത്തണ്‍ ഫ്‌ളാഗ് ഓഫ് ചെയ്തു. സോളിഡാരിറ്റി ബഹ്റൈന്‍ സി.ഇ.ഒ ജവാദ് മുഹമ്മദ്, ബാബ സണ്‍സ് (മെഗാ മാര്‍ട്ട്) ജനറല്‍ മാനേജര്‍ അനില്‍ നവാനി, സോളിഡാരിറ്റി ബഹ്റൈന്‍ ചീഫ് ബിസിനസ് ഡെവലപ്മെന്റ് ഓഫീസര്‍ ജയ് പ്രകാശ് പാണ്ഡെ, ഫിലിപ്പീന്‍സ് എംബസി ചാര്‍ജ്ജ് ഡി. അഫയേഴ്‌സ് ആനി ജലാന്‍ഡോ ലൂയിസ് എന്നിവര്‍ വിശിഷ്ടാതിഥികളായി പങ്കെടുത്തു. അല്‍ ഹിലാല്‍ ഹെല്‍ത്ത് കെയര്‍ ഗ്രൂപ്പ് സി.ഇ.ഒ ഡോ. ശരത് ചന്ദ്രന്‍, ബിസിനസ് ഡെവലപ്മെന്റ് മാനേജര്‍ ആസിഫ് മുഹമ്മദ്, ഫിനാന്‍സ് മാനേജര്‍ സഹല്‍ ജമാലുദ്ധീന്‍, മുഹറഖ് ബ്രാഞ്ച് മേധാവി ഫ്രാങ്കോ ഫ്രാന്‍സിസ് എന്നിവരും സന്നിഹിതരായിരുന്നു. വാക്കത്തണില്‍ പങ്കെടുത്ത എല്ലാവര്‍ക്കും സര്‍ട്ടിഫിക്കറ്റും ഫുള്‍ ബോഡി ചെക്കപ്പ് കൂപ്പണുകളും നല്‍കി.
Content Highlights: walkathon
Published: 23 Nov 2022, 11:46 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented