ദുബായ്: 30 ദിവസത്തിനുള്ളിൽ യുദ്ധം അവസാനിപ്പിക്കുന്നതിനുള്ള 14-ഇന സമാധനനിർദേശം യു.എസിനുമുമ്പിൽവെച്ച് ഇറാൻ. വെടിനിർത്തൽ നീട്ടുകയല്ല, യുദ്ധം അവസാനിപ്പിക്കുകയാണ് ഇതിന്റെ ലക്ഷ്യമെന്ന് ഇറാൻഭരണകൂടവുമായി ബന്ധമുള്ള മാധ്യമങ്ങൾ പറഞ്ഞു. ­യു.എസ്. മുന്നോട്ടുവെച്ച ഒൻപതിന സമാധാനപദ്ധതിക്കു ബദലാണിത്.

To advertise here,

ഇറാനുമേലുള്ള യു.എസിന്റെ ഉപരോധം പിൻവലിക്കുക, ഹോർമുസ് കടലിടുക്കിലെ നാവിക ഉപരോധം അവസാനിപ്പിക്കുക, പശ്ചിമേഷ്യയിൽനിന്ന് സൈന്യത്തെ പിൻവലിക്കുക, ഇസ്രയേൽ ലെബനനിൽ നടത്തുന്ന ആക്രമണമുൾപ്പെടെയുള്ളവ അവസാനിപ്പിക്കുക എന്നിവയ്ക്കുള്ള ആഹ്വാനവും 14-ഇന നിർദേശത്തിലുണ്ട്.

ഇറാന്റെ പുതിയ നിർദേശം അവലോകനം ചെയ്യുകയാണെന്ന് യു.എസ്. പ്രസിഡന്റ് ഡൊണാൾഡ് ട്രംപ് ശനിയാഴ്ച പറഞ്ഞിരുന്നു. എന്നാൽ, സമാധാനക്കരാറുണ്ടാകുമോ എന്ന് വ്യക്തമാക്കിയില്ല.