കൊച്ചി: നിര്ദേശങ്ങള് പാലിക്കാത്ത 279 വ്യാപാരസ്ഥാപനങ്ങള്ക്കെതിരേ ലീഗല് മെട്രോളജി വകുപ്പ് കേസെടുത്തു. എറണാകുളം, തൃശൂര്, പാലക്കാട്, ഇടുക്കി ജില്ലകളില് നിയമ ലംഘനം കണ്ടെത്തിയ വ്യാപാരസ്ഥാപനങ്ങളില് നിന്ന് 4,67,500 രൂപ പിഴ ഈടാക്കിയിട്ടുണ്ട്. ക്രിസ്മസ് പുതുവത്സര ആഘോഷങ്ങളോടനുബന്ധിച്ചാണ് ലീഗല്മെട്രോളജി വകുപ്പ് പരിശോധന നടത്തിയത്.
ലീഗല് മെട്രോളജി നിയമ പ്രകാരം ആവശ്യമായ രേഖപ്പെടുത്തലുകള് ഇല്ലാത്ത ഉല്പന്ന പായ്ക്കറ്റുകള് വില്പ്പനയ്ക്ക് പ്രദര്ശിപ്പിച്ചിരുന്ന ബേക്കറികള്, സൂപ്പര് മാര്ക്കറ്റുകള്, സ്റ്റേഷനറി കടകള്, ഇലക്ട്രോണിക് ഉപകരണ വില്പന കേന്ദ്രങ്ങള് തുടങ്ങിയ 12 സ്ഥാപനങ്ങള്ക്കും യഥാസമയം മുദ്രപതിപ്പിക്കാതെ അളവ് തൂക്ക ഉപകരണങ്ങള് ഉപയോഗിച്ചതിന് 17 വ്യാപാരസ്ഥാപനങ്ങള്ക്കും എതിരെയാണ് നടപടികള് എടുത്തത്.
മുദ്രപതിക്കാത്ത അളവുതൂക്ക ഉപകരണങ്ങള് ഉപയോഗിക്കുക, അളവിലും തൂക്കത്തിലും കുറച്ച് വില്പന നടത്തുക, നിര്മ്മാതാവിന്റെ വിലാസം, ഉല്പന്നം പായ്ക്ക് ചെയ്യുന്ന തീയതി, ഉല്പന്നത്തിന്റെ തൂക്കം, പരാമാവധി വില്പന വില എന്നിവ ഇല്ലാത്ത ഉല്പന്ന പായ്ക്കറ്റുകള് വില്പന നടത്തുക, എം.ആര്.പിയേക്കാള് അധിക തുക ഈടാക്കുക, എം.ആര്.പി തിരുത്തുക തുടങ്ങിയ നിയമ ലംഘനങ്ങളാണ് പരിശോധനയില് കണ്ടെത്തിയത്.
2022 ഡിസംബര് 19-ന് ആരംഭിച്ച സ്ക്വാഡുകളുടെ പരിശോധനയിലാണ് കേസുകള് കണ്ടെത്തിയതെന്ന് മധ്യമേഖല ജോയിന്റ് കണ്ട്രോളര് ജെ.സി ജീസണ് അറിയിച്ചു. ഡെപ്യൂട്ടി കണ്ട്രോളര്മാരായ ബി.ഐ സൈലാസ്, കെ.ഡി നിഷാദ്, എസ്.വി മനോജ് കുമാര്, കെ.സുജാ ജോസഫ്, സേവ്യര് പി ഇഗ്നേഷ്യസ്, അനൂപ് വി ഉമേഷ്, എ.സി ശശികല, വിനോദ് കുമാര്, എസ്. ഷെയിക് ഷിബു, സി.ഷാമോന് എന്നീ ഓഫീസര്മാരും പരിശോധനകള്ക്ക് നേതൃത്വം നല്കി
Content Highlights: violating the law-Legal Metrology Department raid
Published: 03 Jan 2023, 06:03 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented