തുറവൂര്‍(ആലപ്പുഴ): തുറവൂര്‍-അരൂര്‍ ഉയരപ്പാത മേല്‍ത്തട്ട് പ്രവൃത്തിക്കിടെ കോണ്‍ക്രീറ്റ് മിശ്രിതം വാഹനങ്ങള്‍ക്കു മുകളില്‍വീണു. കുത്തിയതോട് പാലത്തിനു തെക്കേക്കരയില്‍ കഴിഞ്ഞ ദിവസം വൈകുന്നേരമായിരുന്നു സംഭവം.
വാഹനങ്ങള്‍ തടഞ്ഞുനിര്‍ത്താതെ ജോലികള്‍ നടത്തിയതാണ് പ്രശ്‌നങ്ങള്‍ക്കു കാരണം. ഒരു ബൈക്കിന്റെയും രണ്ടു കാറുകളുടെയും മുകളിലേക്കാണ് മിശ്രിതം വീണത്. വാഹനങ്ങള്‍ക്ക് നിസാരമായ കേടുപാടുകള്‍ സംഭവിച്ചു. വാഹന യാത്രികര്‍ പ്രതിഷേധവുമായി രംഗത്തെത്തി. തുടര്‍ന്ന് തൊഴിലാളികള്‍ വാഹനങ്ങള്‍ കഴുകി വൃത്തിയാക്കി നല്‍കി. സംഭവം ദേശീയപാതയില്‍ ഗതാഗത തടസത്തിനും കാരണമായി.
Content Highlights: Accident on Thuravoor-Aroor flyover: Concrete mix fell on vehicles during work, causing minor damage and traffic disruption. Learn more about the incident and its aftermath.
Published: 18 Dec 2025, 11:44 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented