തിരുവനന്തപുരം: ഓണത്തിന് ബെവ്റജസ് കോര്‍പ്പറേഷനില്‍ റെക്കോഡ് മദ്യവില്‍പ്പന. സീസണിലെ 10 ദിവസങ്ങളില്‍ ഷോപ്പുകളിലൂടെയും വെയര്‍ഹൗസുകളിലൂടെയുമായി മൊത്തം 826 കോടിയുടെ മദ്യമാണ് വിറ്റഴിച്ചത്. കഴിഞ്ഞ വര്‍ഷത്തെക്കാള്‍ 50 കോടി അധികം. കഴിഞ്ഞ ഓണക്കാലത്ത് 776 കോടിയുടെ മദ്യമായിരുന്നു വിറ്റത്. ഈ ഉത്രാടദിനത്തില്‍ മാത്രം 137 കോടിയുടെ മദ്യം വിറ്റു. കഴിഞ്ഞവര്‍ഷം ഇത് 126 കോടി.
ഉത്രാടദിനത്തില്‍ ഒരു കോടിയിലധികം വരുമാനം നേടിയ ആറ് ഔട്ട്ലെറ്റുകളില്‍ മൂന്നും കൊല്ലം ജില്ലയിലാണ്. കരുനാഗപ്പള്ളി ഔട്ട്ലെറ്റിലാണ് ഏറ്റവും കൂടുതല്‍ വില്‍പ്പന നടന്നത്, 1.46 കോടി. കാവനാട് (ആശ്രാമം) ഔട്ട്ലെറ്റില്‍ 1.24 കോടിയുടെ വില്‍പ്പന. മലപ്പുറം എടപ്പാള്‍ കുറ്റിപ്പാല ഔട്ട്ലെറ്റില്‍ 1.11 കോടിയുടെയും തൃശ്ശൂര്‍ ചാലക്കുടി ഔട്ട്ലെറ്റില്‍ 1.07 കോടിയുടെയും ഇരിങ്ങാലക്കുട ഔട്ട്ലെറ്റില്‍ 1.03 കോടിയുടെയും കൊല്ലം കുണ്ടറയില്‍ ഒരു കോടിയുടെയും മദ്യം വിറ്റുപോയി. തിരുവോണദിനത്തില്‍ ബെവ്കോ ഷോപ്പുകള്‍ പ്രവര്‍ത്തിച്ചിരുന്നില്ല.
Content Highlights: record sale in bevco in this onam time
Published: 07 Sept 2025, 07:26 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented