
കോഴിക്കോട്: ജില്ലയിൽ 1300 കുടുംബത്തിന് പട്ടയങ്ങൾ വിതരണംചെയ്തു. കോവൂർ പി. കൃഷ്ണപിള്ള സ്മാരക ഓഡിറ്റോറിയത്തിൽനടന്ന ചടങ്ങിൽ മന്ത്രി പി.എ. മുഹമ്മദ് റിയാസ് ജില്ലാതല പട്ടയമേള ഉദ്ഘാടനംചെയ്തു. സ്വന്തമായി ഭൂമിയില്ലാത്തവരെ ഭൂമിയുടെ ഉടമസ്ഥരാക്കാനുള്ള ശ്രമമാണ് സർക്കാർ നടത്തുന്നതെന്ന് മന്ത്രി പറഞ്ഞു. പട്ടയങ്ങളുടെകാര്യത്തിൽ ജനങ്ങൾക്കുനൽകിയ വാക്കുപാലിക്കാൻ സർക്കാരിന് സാധിച്ചിട്ടുണ്ടെന്നും മന്ത്രി റിയാസ് കൂട്ടിച്ചേർത്തു.
മേളയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനിൽ നിർവഹിച്ചു. തുടർന്നാണ് ജില്ലകളിൽ പട്ടയവിതരണം നടന്നത്. റവന്യൂവകുപ്പുമന്ത്രി കെ. രാജൻ ഓൺലൈനായി അധ്യക്ഷതവഹിച്ചു.
എം.എൽ.എ.മാരായ തോട്ടത്തിൽ രവീന്ദ്രൻ, അഹമ്മദ് ദേവർകോവിൽ, ലിന്റോ ജോസഫ്, വാർഡ് കൗൺസിലർമാരായ സി. കവിത, ഇ. അനിതകുമാരി, കളക്ടർ സ്നേഹിൽകുമാർ സിങ്, എ.ഡി.എം. സി. മുഹമ്മദ് റഫീഖ്, സി.പി.ഐ. ജില്ലാസെക്രട്ടറി പി. ഗവാസ് തുടങ്ങിയവർ സംസാരിച്ചു.
വടകര എൽ.ടി.-350, കോഴിക്കോട് എൽ.ടി.-870, താമരശ്ശേരി താലൂക്ക് മിച്ചഭൂമി-63, കോഴിക്കോട് താലൂക്ക് മിച്ചഭൂമി-എട്ട്, വടകര താലൂക്ക് എൽ.എ.-അഞ്ച്, താമരശ്ശേരി-നാല് എന്നിങ്ങനെ 1300 പട്ടയമാണ് വിതരണംചെയ്തത്.
Content Highlights: 1300 families in Kozhikode district were granted official land titles (Pattayams)., The distribution took place at the district-level 'Pattayamela', inaugurated by Minister P.A. Mohammed Riyas., The initiative is part of the Kerala government's commitment to provide land to the landless.
Published: 27 Feb 2026, 12:04 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented