മലപ്പുറം: കലോത്സവത്തിനിടെ വിദ്യാർഥികൾ തമ്മിൽ കൂട്ടത്തല്ല്. എടപ്പാൾ സബ്ജില്ലാ സ്‌കൂൾ കലോത്സവത്തിന്റെ രണ്ടാംദിനമായ ഇന്ന് രാവിലെയാണ് വിദ്യാർഥികൾ ചേരിതിരിഞ്ഞ് ഏറ്റുമുട്ടിയത്. തുടർന്ന് പോലീസ് സ്ഥലത്തെത്തി സംഘർഷം നിയന്ത്രിച്ചു. വേദി ഒന്നിന്റെ പിറകിലാണ് സംഭവമുണ്ടായത്.

To advertise here,

മത്സരങ്ങളിൽ ചിലതിന്റെ ഫലം പ്രഖ്യാപിച്ചപ്പോൾ ചില സ്‌കൂളുകളിൽനിന്നെത്തിയ വിദ്യാർഥികളും അവർക്കൊപ്പമുണ്ടായിരുന്നവരും ഇതിനെ ചോദ്യംചെയ്തു. അത് തർക്കത്തിലേക്കും ഉന്തുംതള്ളിലേക്കും കൂട്ടയടിയിലേക്കും കടക്കുകയായിരുന്നു.

കസേരകൾ അങ്ങോട്ടുമിങ്ങോട്ടും വലിച്ചെറിയുന്നതടക്കമുള്ള ദൃശ്യങ്ങൾ പുറത്തെത്തിയിട്ടുണ്ട്.