രാമചന്ദ്ര പുലവര്‍ക്ക് പദ്മശ്രീ; പാവക്കൂത്തിന് ആദരം


ക്ഷേത്രമതില്‍ക്കെട്ടിനു പുറത്തെ വിശാലലോകത്തിലേക്ക് പൗരാണികകലയായ പാവക്കൂത്തിനെ ആനയിക്കാന്‍ നേതൃത്വം നല്‍കിയ കെ.കെ. രാമചന്ദ്ര പുലവര്‍ക്ക് പദ്മശ്രീ പുരസ്‌കാരം നല്‍കി രാജ്യത്തിന്റെ ആദരം. പാലക്കാട് ഷൊര്‍ണൂര്‍ സ്വദേശിയാണ് പുലവര്‍.

Read more: പാവക്കൂത്ത്, നിലനില്‍പ്പിനായി ക്ഷേത്രം വിട്ടിറങ്ങിയ ദൈവകല | അതിജീവനം-03

പാവക്കൂത്ത് കലാകാരന്മാരുടെ കുടുംബത്തിലാണ് രാമചന്ദ്ര പുലവരുടെ ജനനം. പ്രശസ്ത തോല്‍പാവക്കൂത്ത് കലാകാരന്‍ കെ.എല്‍. കൃഷ്ണന്‍കുട്ടി പുലവരുടെ മകനാണ് ഇദ്ദേഹം. പാലക്കാട്, തൃശ്ശൂര്‍, മലപ്പുറം ജില്ലകളിലെ നാല്‍പ്പതിലധികം ക്ഷേത്രങ്ങളില്‍ ഇന്ന് രാമചന്ദ്ര പുലവര്‍ പാവക്കൂത്ത് അവതരിപ്പിക്കുന്നുണ്ട്.

കേരളത്തിന്റെ സാമൂഹിക, സാംസ്‌കാരിക ചരിത്രം കെട്ടിപ്പടുക്കുന്നതില്‍ വലിയ പങ്കു വഹിച്ച കലാരൂപമാണു നിഴല്‍ പാവക്കൂത്ത്. ജാതിക്കും മതത്തിനുമപ്പുറത്തു വിശാലമായ ലോകവീക്ഷണവും ചരിത്ര പശ്ചാത്തലവുമുണ്ട് പാവക്കൂത്തിന്. ദേവിക്കു മുന്‍പില്‍ അവതരിപ്പിക്കാന്‍ വേണ്ടി ചിട്ടപ്പെടുത്തിയ ദൈവികകലയാണ് പാവക്കൂത്ത് എന്നാണ് ഐതിഹ്യം. എന്നാല്‍ ഇന്നു കലയുടെയും കലാകാരന്റെയും അതിജീവനത്തിനായി രാമചന്ദ്ര പുലവര്‍ പാവക്കൂത്തിനെ ജനകീയ കാലയാക്കി മാറ്റിയിരിക്കുകയാണ്.

പോസ്റ്റ് ഓഫിസിലെ ജോലി രാജിവെച്ചാണ് രാമചന്ദ്ര പുരവര്‍ ഈ മേഖലയിലേക്കു കടന്നുവന്നത്. ഇന്ന് ഇദ്ദേഹത്തിന്റെ മക്കളും പാവക്കൂത്തിനൊപ്പം ഉണ്ട്. കൂടാതെ നാല്‍പ്പതോളം ശിഷ്യന്മാരും. ലോകത്തിലെതന്നെ ആദിമ കലാരൂപങ്ങളില്‍ ഒന്നായ നിഴല്‍ പാവക്കൂത്തിനെ, ഓര്‍മ്മയുടെ പടുകുഴിയിലേക്കു വലിച്ചെറിയാന്‍ തയ്യാറല്ലെന്നു പ്രായോഗികതയിലൂടെ തെളിയിക്കുകയാണു രാമചന്ദ്ര പുലവര്‍.

ഇന്ത്യയിലെ വിവിധയിടങ്ങളിലും റഷ്യ, സ്വീഡന്‍, സ്‌പെയിന്‍, അയര്‍ലന്‍ഡ്, ജര്‍മനി, ഗ്രീസ്, സിങ്കപ്പുര്‍ തുടങ്ങി വിവിധ രാജ്യങ്ങളിലും രാമചന്ദ്ര പുലവര്‍ പാവക്കൂത്ത് അവതരിപ്പിച്ചിട്ടുണ്ട്. കേന്ദ്ര സാംസ്‌കാരിക മന്ത്രാലയത്തില്‍നിന്ന് ജൂനിയര്‍ ഫെല്ലോഷിപ്പും സീനിയര്‍ ഫെല്ലോഷിപ്പും നേടിയിട്ടുണ്ട്. തോല്‍പാവക്കൂത്ത് എന്ന പുസ്തകവും രാമചന്ദ്ര പുലവര്‍ രചിച്ചിട്ടുണ്ട്.

തായ്‌ലന്‍ഡ് ഗവണ്‍മെന്റ് പുരസ്‌കാര്‍(2011), ഡോ. ബി.ആര്‍. അംബേദ്കര്‍(2011), കേരള സംസ്ഥാന ഫോക്ക്‌ലോര്‍ അക്കാദമി അവാര്‍ഡ്(2012) , കേരള സംഗീത നാടക അക്കാദമി കലാശ്രീ പുരസ്‌കാര്‍(2013) തുടങ്ങിയ പുരസ്‌കാരങ്ങള്‍ ലഭിച്ചിട്ടുണ്ട്.

content highlights: kk ramachandra pulavar padma shri award


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented