താഴെചൊവ്വ: റെയിൽവേ ഗേറ്റ് അടയ്ക്കുന്നതിനിടെ മറുവശം കടക്കാൻ ശ്രമിച്ച ജീപ്പ് പാളത്തിൽ കുടുങ്ങി. ബുധനാഴ്ച രാവിലെ 10.15-ഓടെ താഴെചൊവ്വ റെയിൽവേഗേറ്റ് അടയ്ക്കുന്നതിനിടെയാണ് സംഭവം. തലശ്ശേരി ഭാഗത്തുനിന്ന് കണ്ണൂർ ഭാഗത്തേക്ക് പോവുകയായിരുന്ന ജീപ്പാണ് പാളത്തിനിടയിലെ റബ്ബർഷീറ്റുകൾക്ക് പുറത്തേക്ക് തെന്നിമാറി കുടുങ്ങിയത്. ഉടൻ ക്രെയിൻ കൊണ്ടുവന്ന് ജീപ്പ് പാളത്തിൽനിന്ന് മാറ്റുകയായിരുന്നു.

To advertise here,

ഈ സമയം പോകേണ്ടിയിരുന്ന അമൃത് ഭാരത് എക്സ്പ്രസ് വേഗം കുറച്ച് കടന്നുപോയതായി റെയിൽവേ അധികൃതർ അറിയിച്ചു. ജീപ്പ് ഓടിച്ചയാൾക്കെതിരേ കേസ് രജിസ്റ്റർ ചെയ്തതായും ഇവരിൽനിന്ന് പിഴയീടാക്കുമെന്നും റെയിൽവേ പോലീസ് പറഞ്ഞു.

• താഴെചൊവ്വ റെയിൽവേ ഗേറ്റിലെ പാളത്തിൽ കുടുങ്ങിയ ജീപ്പ്