
തിരുവനന്തപുരം: ജനത കര്ഫ്യു ആചരിക്കുന്നതിന്റെ ഭാഗമായി രാത്രി ഒമ്പത് മണിക്ക് ശേഷവും ജനങ്ങള് കൂട്ടമായി പുറത്തിറങ്ങാതെ വീട്ടില് തുടര്ന്ന് സഹകരിക്കണമെന്ന് ചീഫ് സെക്രട്ടറി ടോം ജോസ്. പുറത്തിറങ്ങുകയും കൂട്ടം കൂടുകയും ചെയ്യുന്നവര്ക്കെതിരെ നടപടി സ്വീകരിക്കാന് പോലിസിന് നിര്ദ്ദേശം നല്കിയിട്ടുള്ളതായി ടോം ജോസ് അറിയിച്ചു.
നിര്ദേശങ്ങള് അനുസരിക്കാത്തവര്ക്കെതിരെ ഇന്ത്യന് ശിക്ഷാനിയമത്തിലെ സെക്ഷന് 188 പ്രകാരമുള്ള കുറ്റമായി കണക്കാക്കും. കോവിഡ് പ്രതിരോധത്തിന്റെ ഭാഗമായി 1897 ലെ പകര്ച്ച വ്യാധി നിയന്ത്രണ ആക്ട് പ്രകാരം പൊതുജനാരോഗ്യ സംരക്ഷണം മുന്നിര്ത്തി സംസ്ഥാന സര്ക്കാര് കര്ശന നിയന്ത്രണങ്ങള് പുറപ്പെടുവിച്ചിട്ടുണ്ട്. ജില്ലാ മജിസ്ട്രേറ്റായ കളക്ടര്ക്കും ജില്ലാ പോലീസ് മേധാവിക്കും 1897 ലെ പകര്ച്ചവ്യാധി നിയന്ത്രണ ആക്ടിലെ സെക്ഷന് രണ്ടുപ്രകാരമുള്ള അധികാരങ്ങളും ഉത്തരവിലൂടെ നല്കിയിട്ടുണ്ട്.
കാസര്കോട് ജില്ലയില് അടിയന്തര സാഹചര്യം പരിഗണിച്ച് സമ്പൂര്ണ നിരോധനാജ്ഞ പ്രഖ്യാപിക്കുന്നതിനുള്ള അനുമതി ജില്ല കളക്ടര്ക്ക് നല്കിയിട്ടുണ്ട്. കേരളത്തില് നിന്നുള്ള മുഴുവന് അന്തര് സംസ്ഥാന ബസ് സര്വീസുകള്ക്കും നാളെ മുതല് സര്ക്കാര് നിരോധനം ഏര്പ്പെടുത്തി.
കൊറോണ വൈറസ് വ്യാപനം തടയാന് പ്രധാനമന്ത്രി നരേന്ദ്രമോദി വ്യാഴാഴ്ച രാത്രിയാണ് ജനതാ കര്ഫ്യൂവിന് ആഹ്വാനം ചെയ്തത്. രാവിലെ ഏഴുമുതല് രാത്രി ഒമ്പതുവരെയാണ് കര്ഫ്യൂ പ്രഖ്യാപിച്ചിരുന്നത്.
Content Highlights: Janata Curfew; people should stay at home after 9 pm also
Published: 22 Mar 2020, 04:29 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented