കോഴിക്കോട്: യൂത്ത് കോണ്‍ഗ്രസ് സംഘടനാ തിരഞ്ഞെടുപ്പിലെ വ്യാജ ഐ.ഡി.കാര്‍ഡ് നിര്‍മ്മാണ കേസില്‍ കെ.പി.സി.സി.ക്ക് പരാതികള്‍ ലഭിച്ചിട്ടുണ്ടെന്ന് കെ.പി.സി.സി. അധ്യക്ഷന്‍ കെ. സുധാകരന്‍. പരാതിയെ കുറിച്ച് അന്വേഷിക്കും. കുറ്റകരമായ പ്രവര്‍ത്തനം നടന്നുവെന്ന് ബോധ്യപ്പെട്ടാല്‍ നടപടിയെടുക്കും. രാഹുല്‍ മാങ്കൂട്ടത്തിലിനെ വിശ്വാസമാണ്. അത്തരം അവിവേകം രാഹുല്‍ കാണിക്കില്ല. വിഷയം അന്വേഷിക്കാന്‍ പ്രത്യേക അന്വേഷണ സംഘത്തെ നിയോഗിക്കുമെന്നും അദ്ദേഹം വ്യക്തമാക്കി.
വായ്ക്ക് തോന്നിയതുപോലെ പ്രതികരിക്കുന്ന ഗോവിന്ദന്‍ മാസ്റ്ററുടെ പ്രസ്താവനയ്‌ക്കൊന്നും പ്രതികരിക്കാന്‍ സമയമില്ലെന്നും സുധാകരന്‍ തുറന്നടിച്ചു. സംസ്ഥാന സെക്രട്ടറി സി.പി.എമ്മിനാണ്. ഞങ്ങള്‍ക്ക് എം.വി ഗോവിന്ദന്‍. ക്രാഫ്റ്റ് മാസ്റ്റര്‍ ആണെന്നും അദ്ദേഹം പറഞ്ഞു.
കേരളത്തിലെ കെ.എസ്.യു. കുതിച്ചുമുന്നേറിക്കൊണ്ടിരിക്കുകയാണ്. എന്തിനും ഏതിനും മുന്നിട്ടിറങ്ങാന്‍ കെ.എസ്.യു. പ്രവര്‍ത്തകര്‍ക്ക് ഇന്ന് മനക്കരുത്തുണ്ട്‌. സംരക്ഷിക്കാന്‍ ഒരു പാര്‍ട്ടിയുണ്ടെന്നുള്ളത് അവരുടെ ആത്മധൈര്യം വര്‍ധിപ്പിക്കുന്നുവെന്നും കെ. സുധാകരന്‍ പറഞ്ഞു. പ്രവര്‍ത്തകര്‍ക്ക് ഇങ്ങനെ സംരക്ഷണം കൊടുത്ത കാലഘട്ടം മുന്‍പുണ്ടായിട്ടില്ല. ലീഗല്‍ സെല്‍ വച്ച് എല്ലാ ജില്ലകളിലും സൗജന്യ ലീഗല്‍ സഹായം നല്‍കാനുള്ള കമ്മറ്റികള്‍ രൂപികരിച്ചു. സാമ്പത്തിക ശേഷിയില്ലാത്തവര്‍ക്ക് സാമ്പത്തിക സഹായം കെ.പി.സി.സി. നേരിട്ട് നല്‍കിയിട്ടുണ്ട്. സുധാകരന്‍ വ്യക്തമാക്കി.
Content Highlights: fake id card complaint will be investigated k sudhakaran
Published: 24 Nov 2023, 01:32 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented