കോഴിക്കോട്: കുസാറ്റിലെ ടെക് ഫെസ്റ്റില്‍ തിക്കിലുംതിരക്കിലുംപെട്ട് മരിച്ച കോഴിക്കോട് താമരശ്ശേരി സ്വദേശിനി സാറാ തോമസിന്റെ മൃതദേഹം സംസ്കരിച്ചു. പുതുപ്പാടി സെയ്ന്റ് ജോര്‍ജസ് ഓര്‍ത്തഡോക്‌സ് വലിയപള്ളി സെമിത്തേരിയിലാണ് സംസ്‌കരിച്ചത്. കുന്ദം കുളം ഭദ്രാസനാധിപന്‍ - ബിഷപ്പ് ഗീവര്‍ഗീസ് മാര്‍ യൂലിയോസിസിന്റെ നേതൃത്വത്തിലായിരുന്നു സംസ്‌കാര ചടങ്ങുകള്‍ നടന്നത്.
താമരശ്ശേരി കോരങ്ങാട് സെയ്ന്റ് അല്‍ഫോന്‍സാ ഹയര്‍സെക്കന്‍ഡറി സ്‌കൂളിലെ പൊതുദര്‍ശനത്തിനു ശേഷമാണ് മൃതദേഹം വീട്ടിലേക്ക് കൊണ്ടുവന്നത്. ഇന്നലെ പൊതുദര്‍ശനത്തിനും വീട്ടിലും വരാന്‍ കഴിയാതിരുന്നവര്‍ക്ക് സാറയെ അവസാനമായി കാണാന്‍ പള്ളിയിലും അവസരം നല്‍കിയിരുന്നു. നൂറുകണക്കിനാളുകളാണ് അന്ത്യോപചാരം അര്‍പ്പിക്കാനായി പള്ളിയിലെത്തിയത്.
കുസാറ്റില്‍ ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍ മൂന്നാം സെമസ്റ്റര്‍ വിദ്യാര്‍ഥിനിയായ സാറാ തോമസ് കോരങ്ങാട് തൂവക്കുന്നുമ്മല്‍ വയലപ്പള്ളില്‍ തോമസ് സ്‌കറിയുടെയും കൊച്ചുറാണിയുടെയും മകളാണ്. സാനിയ, സൂസന്‍ എന്നിവരാണ് സഹോദരങ്ങള്‍.
Content Highlights: cremation of Sara Thomas who died in cusat stampede were completed
Published: 27 Nov 2023, 12:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented