കിറ്റക്സിലെ അന്യസംസ്ഥാന തൊഴിലാളികളുടെ ആക്രമണം: പോലീസുകാര്‍ക്ക് പരിക്ക്, വാഹനം കത്തിച്ചു

എറണാകുളം കിഴക്കമ്പലം കിറ്റ്സ് തൊഴിലാളികളൂടെ താമസസ്ഥലത്ത് ഉണ്ടായ സംഘർഷത്തെ തുടർന്ന് തകർത്ത പോലീസ് വാഹനം | ഫോട്ടോ: വി.കെ അജി

മദ്യപിച്ച് പരസ്പരം ഉണ്ടായ തർക്കമാണ് പ്രശ്നത്തിന് തുടക്കമെന്ന് പോലീസ് പറഞ്ഞു. അക്രമത്തിന്റെ ദൃശ്യങ്ങള്‍ മൊബൈലില്‍ പകര്‍ത്താന്‍ ശ്രമിച്ചവരെ പോലും ഇവര്‍ മര്‍ദിച്ചു. സ്ഥലത്തെത്തിയ നാട്ടുകാര്‍ക്കുനേരെ തൊഴിലാളികള്‍ കല്ലെറിയുകയും ചെയ്തു. തുടര്‍ന്ന് ആലുവ റൂറല്‍ എസ്.പി കാര്‍ത്തിക്കിന്റെ നേതൃത്വത്തില്‍ 500 ഓളം പോലീസുകാര്‍ സ്ഥലത്തെത്തി. ഇവര്‍ ഹോസ്റ്റലിനുള്ളിലേക്ക് കയറി ബലം പ്രയോഗിച്ച് തൊഴിലാളികളെ പിടികൂകയായിരുന്നു.

സംഭവത്തില്‍ ലേബര്‍ കമ്മീഷന്‍ റിപ്പോര്‍ട്ട് തേടിയിട്ടുണ്ടെന്ന് ജില്ലാ ലേബര്‍ ഓഫീസര്‍ ഫിറോസ് പറഞ്ഞു. ജില്ലാ ലേബര്‍ ഡപ്പാര്‍ട്ട്‌മെന്റ് റിപ്പോര്‍ട്ട് തയ്യാറാക്കുന്നുണ്ട്. അക്രമ സംഭവത്തിനു പിന്നില്‍ തോഴില്‍ പ്രശ്‌നം ഇല്ലെന്നും ക്രമസമാധാന പ്രശ്‌നം മാത്രമാണുള്ളതെന്നും അദ്ദേഹം വ്യക്തമാക്കി.