തിരുവനന്തപുരം: മുതലപ്പൊഴിയില്‍ അഴിമുഖത്തെ മണല്‍ നീക്കാന്‍ എത്തിയ ഡ്രെഡ്ജര്‍ ഓപ്പറേറ്റര്‍ക്കെതിരെ പരാതിയുമായി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍. ഡ്രെഡ്ജര്‍ പ്രവര്‍ത്തിപ്പിക്കാന്‍ ഓപ്പറേറ്ററും നടത്തിപ്പുകാരനും വിമുഖത കാണിക്കുന്നു എന്ന് ആരോപിച്ചാണ് പരാതി.
കഠിനംകുളം പോലീസിനാണ് അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ ഇതുസംബന്ധിച്ച പരാതി നല്‍കിയിരിക്കുന്നത്. ഡ്രെജര്‍ ഓപ്പറേറ്റര്‍ മിഥുന്‍, സൂപ്പര്‍വൈസര്‍ വിമല്‍ എന്നിവര്‍ക്കെതിരെയാണ് പരാതി. മഴ മാറിയിട്ടും ഓപ്പറേറ്റര്‍മാര്‍ സഹകരിക്കുന്നില്ലെന്നാണ് പരാതിയില്‍ പറയുന്നത്.
മറ്റൊരു ഓപ്പറേറ്ററെ ഇന്ന് എത്തിച്ചെങ്കിലും സൂപ്പര്‍വൈസര്‍ അനുവദിച്ചില്ലെന്നും പരാതിയില്‍ പറയുന്നു. കാലാവസ്ഥ പ്രതികൂലമായതോടെ ഡ്രെഡ്ജിങ് ഏറെ നാളായി നിര്‍ത്തി വെച്ചിരിക്കുകയാണ്. പരാതി നല്‍കിയതിന് പിന്നാലെ ഡ്രെഡ്ജിങ് പുനരാരംഭിച്ചിട്ടുണ്ട്.
Content Highlights: complaint against dredger operator for refusing removing sand in muthalapozhi tvm
Published: 07 Jun 2025, 04:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented