അമ്പലപ്പുഴ: ആലപ്പുഴ മെഡിക്കൽ കോളേജിൽ നടന്ന ഓണാഘോഷ പരിപാടികൾക്കിടെ ജീവനക്കാരൻ കുഴഞ്ഞുവീണു മരിച്ചു. ആലപ്പുഴ നഗരസഭയിലെ കാഞ്ഞിരംചിറ വാർഡിൽ വേലിയകത്തു വീട്ടിൽ ദാസ് ബേബി (55) ആണ് മരിച്ചത്. വ്യാഴാഴ്ച വൈകുന്നേരം അഞ്ചരയോടെയായിരുന്നു സംഭവം.

To advertise here,

മെഡിക്കൽ കോളേജിലെ പാർട് ടൈം ജീവനക്കാരനായിരുന്നു ദാസ് ബേബി. ഓണാഘോഷ പരിപാടിയുടെ കലാശക്കൊട്ടിനിടെ  കുഴഞ്ഞുവീഴുകയായിരുന്നു. ഉടൻതന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റി.