അഗര്ത്തല: ത്രിപുരയില് അവസാനഫലത്തോടടുക്കുമ്പോള് നിര്ണ്ണായകമാവുക ആയിരത്തില് താഴെ ലീഡ് നിലയുള്ള 17 മണ്ഡലങ്ങള്. ആദ്യഫലസൂചനകള് പ്രകാരം ഒരുഘട്ടത്തില് തൂക്കുസഭയെന്ന സൂചന നല്കിയെങ്കിലും പിന്നീട് ബി.ജെ.പി.ലീഡ് തിരിച്ചുപിടിച്ചു.
സി.പി.എം.- കോണ്ഗ്രസ് സഖ്യത്തിന്റെ മുഖ്യമന്ത്രി സ്ഥാനാര്ഥിയായ സി.പി.എം. സംസ്ഥാന സെക്രട്ടറി ജിതേന്ദ്ര ചൗധരിയുടെ സബ്രൂമടക്കം 17 മണ്ഡലങ്ങളിലാണ് ആയിരത്തില് താഴെ ലീഡുള്ള മണ്ഡലങ്ങള് ഫലത്തില് നിര്ണ്ണായകമാകും.
നിലവില് സബ്രൂമില് ജിതേന്ദ്ര ചൗധരി, ബി.ജെ.പി. സ്ഥാനാര്ഥി ശങ്കര് റോയിയേക്കാള് നൂറിലേറെ വോട്ടുകള്ക്കാണ് മുന്നില്. ഇതുകൂടാതെ സി.പി.എമ്മിന് മുന്നേറ്റമുള്ള ആറ് മണ്ഡലങ്ങളിലാണ് ആയിരത്തില് താഴെ ഭൂരിപക്ഷമുള്ളത്. ഇവിടങ്ങളിലെല്ലാം ബി.ജെ.പിയാണ് തൊട്ടുപിന്നിലുള്ളത്.
അതേസമയം, ബി.ജെ.പി. മുന്നേറുന്ന ഏഴിടത്ത് ആയിരത്തില് താഴെയായാണ് ലീഡ്. ഇതില് നാലിടത്ത് സി.പി.എമ്മും രണ്ടിടത്ത് കോണ്ഗ്രസും ഒരിടത്ത് തിപ്ര മോത്തയുമാണ് രണ്ടാമത്. ഗോത്രസംവരണ മണ്ഡലമായ കഞ്ചാപുരില് ഐ.പി.എഫ്.ടി, സി.പി.എം, തിപ്ര മോത്ത പാര്ട്ടികളെ മറികടന്ന് സ്വതന്ത്രസ്ഥാനാര്ഥിയായ ബിമന്ജോയ് റിയാങ് ആണ് മുന്നേറുന്നത്. ഇവിടെ സി.പി.എമ്മിന്റെ രാജേന്ദ്ര റിയാങ്ങാണ് രണ്ടാമത്.
അംബസ, ബനാമലിപുര്, ബെലോണിയ, ബിശാല്ഘട്ട്, ചന്ദിപുര്, ധര്മനഗര്, ജോലയ്ബാരി, ജുബ്രാജ് നഗര്, കടംതല കുര്ത്തി, കംചന്പുര്, ഘോവായ്, മനു, പബ്യാചാര, പ്രതാപ്ഘട്ട്, രാജ്നഗര്, സബ്രൂം, സൂര്യ മണിനഗര് എന്നിവിടങ്ങളിലാണ് ആയിരത്തില് താഴെ ലീഡ് നിലയുള്ളത്.
Content Highlights: tripura assembly election bjp cpm congress tipra motha less 1000 lead
Published: 02 Mar 2023, 12:38 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented