ന്യൂഡല്‍ഹി: ഉത്തരാഖണ്ഡിലെ സിര്‍സിയില്‍നിന്ന് കേദാര്‍നാഥിലേക്ക് തീര്‍ഥാടകരുമായി വരികയായിരുന്നു ഹെലികോപ്റ്ററിന്അടിയന്തര ലാന്‍ഡിങ്. സാങ്കേതിക തകരാറിനെത്തുടര്‍ന്നായിരുന്നു ഹെലികോപ്റ്റര്‍ അടിയന്തരമായി ലാന്‍ഡ് ചെയ്തത്. ലാന്‍ഡ് ചെയ്യുന്നതിനിടെ കറങ്ങിത്തിരിഞ്ഞ് ഹെലികോപ്റ്ററിന്റെ നിയന്ത്രണം നഷ്ടപ്പെട്ടത് പരിഭ്രാന്തി പടര്‍ത്തി. ഹെലിപാഡില്‍ നിന്ന് 100 മീറ്റര്‍ അകലെയാണ് ഹെലികോപ്റ്ററിന് ലാന്‍ഡ് ചെയ്യാനായത്. ഇതിനിടെ പിന്‍ഭാഗം നിലത്തിടിക്കുകയും ചെയ്തു.
ഹെലികോപ്റ്റര്‍ അടിയന്തരമായി ലാന്‍ഡ് ചെയ്യുന്നതിന്റെ ഭീതിപ്പെടുത്തുന്ന ദൃശ്യം പുറത്ത് വന്നു. സിര്‍സി ഹെലിപാഡില്‍ നിന്ന് തീര്‍ഥാടകരുമായി പറന്നുയര്‍ന്ന ഹെലികോപ്റ്ററാണ് കേദാര്‍നാഥിന് ഹെലിപാഡിന് സമീപത്തായി അടിയന്തര ലാന്‍ഡിങ് നടത്തിയത്.
പൈലറ്റടക്കം ഏഴുപേരായിരുന്നു ഹെലികോപ്റ്ററില്‍ ഉണ്ടായിരുന്നതെന്നാണ് പി.ടി.ഐ. റിപ്പോര്‍ട്ട് ചെയ്യുന്നത്. യാത്രക്കാരെല്ലാം സുരക്ഷിതരാണ്.
Content Highlights: Helicopter technical snag emergency landing en route Kedarnath
Published: 24 May 2024, 02:39 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented